ام زوجي وخواته كييييف اطنشهمممم تعبت

السسلام عليكم بنات

وربي مدري من فين ابدأ فينيييي هم كبيييييير لعل وعسى الاقي حل يفرج عني

خليني احكي لكم طبيعة حياتنا عشان تفهمون


انا وزوجي ساكنين برااا الرياض واخوه برضو ساكن برا الرياض
اهل زوجي يعتبرون اعمامي يعني ابوه اخو ابوي

بس سلفتي من عايله ثانيه

ف كل شهرين تقريبا نجي انا وزوجي للرياض ونجلس شهر واحيانا زوجي يرسلني لحالي يقولي روحي غيري جو وربي مايدري اني اعااااني اذا جيت هنااا


سلفتي تجي الرياض بس اهلها ساكنين هنااا تجلس ثلاث ايام عند اعمامي واربع ايام عند اهلها او العكس المهم نص الاسبوع هنا ونصه عند اهلها


انا وسلفتي عاطينا غرفتين تحت وباقي الدور فوق والمطبخ والجلسه وكل شي فوق
يعني لو ابي مويه حار لبنتي احيانا اذا خلص علي لااازم اطلع لثاني دور اجيب مويه
حاليا حطينا ثلاجه صغيره في غرفتنا نجط فيها مويه بارده

اعمامي طبيعتهم يكرهوووون الناس وماهم دخولييين كثييير ومايحبون يستقبلون ناس ف بيتهم
الا نااادرا
حتى ف عزايم جماعتنا ماايروحون ابدااا مايعزمونهم

المهم
اخوات زوجي حسسسسبي الله عليهم الله ينكد عليهم عيشتهم يجووون يسهرون للفجررر ويروحون والبيت فيه قمة القذااره ولا وحده تكلف على نفسها تكنس حتى

امانة سلفتي طيييبه بس عليها حركات من تحت لتحت
انا ي بنات وخااااالقي وربي مااني حق شر ولا حق مشااكل انسانه مساااالمه او بالاصح خوااافه
شخصيتي ضعيييفه بعض الشي وهذا مأثر علي كثييييير 😭😭😭😭😭😭

اخواته بس حق نقد ومشاكل وعلى اتفه سبب مسويين مشكله بس معهم عذرهم ماقدرت اوقفهم عند حدهم

المهم صارت مواقف كثييير تقريبا ناسيه

صار لي اربع ايام من وصلت الرياض
جو ثنتين من خواته سلمو علي وحده جلست ساعه وراحت والثانيه طولت زوجها جالها متاخر
اما الكبيره ولا حتى اتصلت ولا شفت وجهها

سلفتي عند اهلهااا

بناات ف قلبي حسسسسسره وقهر ليش كذاا
انا الحين ماعندي صديقات ماعندي خرجااااات ما اقدر اطنشهم زي مايطنشوووني يعني سلفتي اذا بغت تقهرهم راحت لاهلها وسهرت وفلتهااا

بسسس انا لااااا اكل زق لين يرحموني ويقولون لي تعالي لنا او بنجيكم


امهم نككككد نكدد انسانه بخخخخخيله وربي يابنااات منكده علي عيشتي نطبخ يوم ولو زاد تاكلنا اياه ثاني يوم وثالث يوم لين يخلص الاكل

مالي حريه حتى اطبخ الاكل الللي نفسسي فيه
مالي حريه اكلم اهلي براااحه
ورب الكعبه بنات اهلي ما اتشكى لهمم ما ابي اضايق امي علي يكفيها همومهاا

مالي حريه اكون صداقات واطلع واخرج براااحتي
ما اقدر اشتري شي من السوق بحريييه

اي شي اشتريه يدرون فيه الصغير والكبير

بس هم يتقضوون ويتمشووون ويطلعون حدايق مع صديقاتهم وربي ليت يقولون لي بسسس مابسوي شي بنبسط بس
بتقولون لي كيف عرفتي اسمعهم لما يتكلمون هم يقولونه يبون يقهروني بسس

بنتي اذا جينا هنا يذبحها الطفش بس تبكككي ماااغير طالعين ونازلين مع ذا الدرج
اذا جيت هنا انحف كم كيلو وربي 😔😔


زوجي كلامه خليك مع امي وين ماتروح روحي غيره لاااا
عندي بنت خالتي حارمني منها وقاطعني منهااا وهي اقرب الناس لي 😭😭
بسبب مشاكل قديييييمه من قبل ما انولد



بنات بككككيت قبل شوي ليين ارتحت

ابي حلاا مشتهيه حلاااااا ابي اسوي

كل شي ام زوجي مخبيته

تعبببببت ياناس ابي حل

ولاهو راضي يسكننني بشقه
امااانه ادعولي انقل لو غرفه وحده اماااانه امااانه 😭😭😭😭😭😭


ابي حل ابي اقهرهمممم مثل مايقهرووني تعبت انتظر رحمتهم علي

ابي يكون لي شخصيه ابي اطنشهمممم وانهم اخر اهتماماتي


كيف


يمكن دعوه تفرج همي 😔