ام زوجي وسلفتي وانا

مساء الخير بنات


كالعاده افضفض لكم قبل مايجي زوجي وقبل ما احط الغدا


احنا ثلاث حريم اخوان انا مرت الصغير نادر مانجتمع سوا والسبب ان الاوليتين مايكلمون بعض

اوكي مرت الكبير ايش ماسوت من غلط ام زوجي تموت فيها على الرغم انها تجيها بالشهرين مره وطول الوقت تقول مريضه وتعبانه ويلقونها بالسوق:)


مرت الوسطي ام زوجي ماتطييقها لان ماتسكت على حقها وبنفس الوقت تاخذه 00 المهم قبل يومين كنت قاعده مع مرت الوسطي نقول سالفه عاديه جدا


قاعده اقول زوجي يسهر ويقول صحيني للدوام ماصرت اصحيه قامت هي وردت والله حتى انا ماصرت اصحي بكيفه يصحى على المنبه ومعانا ام زوجي


وبس مر ثلاث ايام باليوم الرابع زوجي قبل لاينام قال صحيني بكره قلت مافيني بمزح قام عصب وقال علمتك فلانه يقصد مرت اخوه وغرتك انا تفاجأت زوجي كان بدوامه وقت ماتكلمنا المهم

ونمنا لما رجع من الدوام قلت ايش دخل البنت انا من زمان ما اصحيك لانك تسهر على العاب وفيس بوك خلاص قوم بنفسك قال لا هي اللي قالت لك قلعته لاتصحينة

وانا ما اصحي زوجي اخليه يحط منبه

سبحان الله من كره ام زوجي لمرت ولدها راحت حذرت زوجي وقالت له انتبه لزوجتك مرت اخوك تعلمها وتغريها على الرغم ان السالفه كانت جدا عاديه وصارت مشكله بسبة نقل الكلام


حسبي الله ونعم الوكيل00 انا دخلت عليها بطيبه ونية حسنة وقلت بصير احسن من الباقيين معاها بس طلعت تنقل كلام وتحرفه

تسببت بمشاكل كثير بين عيالها وحريمهم مدري ايش تقصد00 ام زوجي ماطولت مع ابو زوجي فترة قصيره وتزوج عليها

احس انها مستكثره علينا السعاده 00 زهقت من مشاكلها انا ساكنة معاها حتى لما يجوني اهلي تبي تقعد معانا صار محد يجيني

والله تعبت مابيني وبين زوجي مشاكل الا بسبتها00 ادعولي الله يفرجها علي بسكن مستقل ياااااااااااااااااااااارب

وللمعلومه مرت الكبير هي اللي كانت تعبيني عليهم وقطعت علاقتي فيها لان ماعجبني طبعها بس ام زوجي شايفتها ملاك على الرغم انها راحت تشتكي تقول علي اني مطنشه اتصالاتها قلت لام زوجي ايه ما احب اسلوبها متى ماعقلت كلمتها بس ام زوجي ماتصدق فيها شي