لو اقول لأم زوجي ماتبغى تنزل تحسبونها تخليها في حالها لا راح تخاصمها وتكبرها اول ماتشوفها
مرة تخاصمت مع وحدة من شغالاتي وقلت لها ماعندك شغل ليه زعلانه على طول (كان عندي طفل واحد وكانت تروح معاه عند اهل زوجي ) ردت علي قدام زوجي ليه مافي شغل انا اغسل اكوي اطبخ عند اهل زوجك كل يوم يوم دريت ام زوجي بالكلام الي قالته قالت شغالتك كذابة اصلا ماتجي الا والبيت نظيف والولد احنا الي ننتبه له وشغالتي كانت تقول يامدام حتى مواعين العشا انظفها لهم الاقيها مستنيتني واطبخ لهم الغدا وحلا وموالح للعصرية

ام زوجي دخلها الشهري 8000 ريال معقولة ماتقدر توفر حق شغالة اصلا هي ودها العيال يقطون راتب الشغالة رغم انهم مديونين

اجل مالك الا تخوفينها هاذي مثل شغالتنا اخوي زوجته حامل كان يطلبونها تنظف البيت وانصدمنا لما عرفنا انه تطبخ طلعت تتفنن بالحلا والحركات والغبيه مستانسه على المدح
النووع هذا ماينفع له الا الخرش احسبيلها نص ساعه وقولي لو تاخرت بخليك تشتغلين لنص الليل انا الي ادفع راتبك وعلميها ماتاخذ ريال واحد من ام زووجك وقولي لو فكرتي تاخذين بفتشك
ومثل ماقلتلك اذا تاخرت اعطيها شغل كثييييير خليها تنظف البيت من فوق لتحت حتى لو كان نظيف واذا ماافاد فيها خوفيها بالتسفير لاتحسسينها انك متمسكه فيها ترى بتدلع عليك ولاتسمع كلامك مثل الحييين
والله حاسه فيك منجد ناس ترفع الضغط جايبه الشغاله لبيتك والا لناس

اختي بقلك شي ولاتزعلي يعني خلاص محروله انتي ماتقدري تستغني عن الشغاله ثلالث ساعات يااختي وش هالحسد خليها تشتغل لها وتطبخ مافيها شي تخيلي الدنيا تدووووور وتصيري عجوز عمرك 50 وزوجة ولدك ماترضى تنزل شغاله بتدفعي لها فلوس يعني كانها شغاله بالساعه وكمان تخاصم الشغاله لو طبخت يعني خالتك بتصير تنتظر هالغدا اللي ترسليه وتمنيه استغفر الله استغفر الله استغفر الله انصدمت من تفكيرك يااختي بري فيها اخاف تدعي عليك تنحرمي بيتك وشغالتك

ياكبرياء محروم .... شوي شوي ... تري انتي مانتي حاسة في الوضع انا اكبر من كل الي قلتيه
اولا : انا مضغوطة اولادي ورا بعض متى ادرسهم متى ااكلهم متى اطبخ متى احضر متى اشوف الصغير الي لسا يرضع
ثانيا : والله ما احسدها على الشغالة لكن هي مايبن معاها نادرا ماتقول الله يعطيك العافية ودايما تقول شغالتنا رغم انها دارية اني انا الي ادفع راتبها موزوجي (الي هو ولدها )
ثالثا : هي من النوع الي تنبش في اسرار البيوت تآخذ معلومات من الشغالة عني عن خرجاتي وتجي تقول ولدي قال انك رحتي ولدي قال انك سويتي (رغم ان زوجي كتوم لا يودي كلام ولايجيبلي كلام ) وتعلم الشغالة براتبي وراتب زوجي وبقصص قديمة حتى عن سلايفي حتى لمن بناتها يجونها تطلب الشغالة تبغاهم مايسون شي لا طبخ ولا نفخ ولا شغلة ولا مشغلة
رابعا: كانت تقول قدام الناس مابزوج عيالي مدرسات زي اخوهم مسكين مايرتاح مع دوام مرته