ام زوجي ومشكلتها معي

مشكلتي مع ام زوجي يابنات عجزت افهم شخصيتها مره احسها طيبه ومره تطلع شرااانيه ومره احسها تحبني ومره تجرحني ماعرفت لها
طبعا عشان تفهموني باقولكم عن وضعنا
انا زوجة ولدها الثاني يعني فوقه واحد ولد وبنتين زوجي هو صاحب المهمات الصعبه يعني العايله كلها معتمده عليه في المواقف الصعبه وحماي الاكبر من زوجي متزوج وعنده عيال صغار وحماي الثاني اصغر العيله توه موظف وهذولا بعد معتمدين على زوجي ((وهذي ماختلف فيها ابد ))بالعكس هو فيه خير لاهله اكيد فيه خير لي
المشكله يابنات معاملتها لي مو زي سلفتي طبعا سلفتي ماتدخل فينا ومحترمه تجي العزايم والمناسبات على كيفها ومزاجها ولاتعتب عليها لنا سبع سنين زواج وصارت بيني وبين حمواتي وامهم مشاكل وتعبت منها ومن ضمن المشاكل كانت على الشغاله كل ماجيب شغاله يطيرونها مني اول شغاله طفشوني عليها يبون تشتغل عندهم ويتحكمون فيها بالعلم انها بفلوووووسي وماكملت 9شهور وكرهتها الشغاله وسفرتها وجبت واحده ثانيه ماكملت شهرين وهربت وفرحوا وشمتوا علي وهنا كان فيها خيره لي وعرفهم زوجي على حقيقتهم والحمدلله الى يومكم هذا صار شادها معهم وحط حد ونقلت من عندهم لمكان ثاني وقللت الاحتكاك والمهم جبت شغاله ثالثه وماكملت شهرين وهجت هنا تعبت وتهب زوجي السبب هم عماني حسدوني عليها وخصوصا ام زوجي لاتقولون لي انت شايفه نفسك عليهم لاوالله انا عطيتهم وجه زياده واكبر من قدرهم ...المهم وقبل 6شهور راح زوجي الهند للعلاج وجاب لي شغاله من حرر ماالي وطلبت امه يجيب لها واحده ورفض بسبب سوالف ومشاكل بينهم ..وقبل هذا كله دايم اذا في العزايم امه مره تحاول اذا تكلمت تجرحني بالكلام او تنفخ علي اوتتقومني تقول جيبي واللا شي قدام الحضور وفيه اللي اصغر مني وبناتها درزن وحقرتها ومارد عليها ابد بس زادت التصرفات وانقهر منها وصرت اكرههها بقوه ....السالفه اللي خلتني اكتب هذا الموضوع ثاني ايام العيد كان فيه عشاء في الاستراحه مسويه زوجي واخوه المتزوج الثاني وحضرت والكل حضر وقبل لاحد يجي مافيه اللا انا وسلفتي وام زوجي وانا عندي بنتي ربي يحفظها كملت سنه حركتها كثير وتطفش كل شوي تاخذ فنجال وتكب الما وتلعب بالاغراض وانا كل شوي اقوم معها وتطفشني قلت بخليها رفض بوها قال خذيها طبعا هي تتكلمت بنفيخ وصوت عالي قدام سلفتي تقول ليش ماجبتي شغالتكً تساعدك في بنتك وانت تدفعين فلوس على الفاضي هنا فرقعت ورديت عليها مو عشانها عشان ارد كرامتي قدام سلفتي وخذت وعطيت في الموضوع معها طبعا يوم شديت معها تبي تغير السالفه قامت تقول شير هالكرتون ودي هالاغراض كل شوي ترسلني ولاقالت لسلفتي شي لاتقولون انها تبيني ارتاح وتريحني الشغاله من بنتي انا اعرفها وصار مساكل على الشغالات الله لايسامحها ويشغلها بنفسها المهم وانا بالبيت قد نتفت اذاني زوجي لاترسلي اسوي شاهي واللا شي لانًهم يتكلوا علي سويت اربع ثلاجات شاي وقهوه و12 صحن مشكل حلى وسمبوسه وسلفتي جات بس بثلاجتين قهوة وشاي وبس المهم زوجي ارسل اخته تسوي شاهي كل شوي تقول زوجك يبي شاي سوي له طبعا حقرتهاااا لاتقولون ماينقص شي لو سويتيه لا الاسلوب ماتعرفونه اسلوب تامر والللي اصغر مني كثير علمت زوجي بعد مارحت البيت هنا انضغط وراح كلمها طبعا انكرت .....
والله يابنات ادري تغار مني وهذي طبيعة ام الزوج بس ليش تعاملني غير سلفتي!؟؟؟ تنقص من قدري وتحترمها اخذت عهد على نفسي ان ارد عليها اذا زودتها معي وكلمت زوجي وقلت اذا رديت عليها لاتقول ليش تغلطين عليها ..
ويش اراءكم يابنات هل انا تصرفي سليم وكيف اتعامل مع شخصيتها لاني ملزمه احتك فيها
ادري طولت عليكم بس ايش اسوي
انتظر ردوودكم