ام زوجي وناااار امي

السلام عليكم بنات

الله يسعدكم ابي كل وحده تحط مكانها مكاني وترد علي بالي تشوفه صح وانا والله ماكتبت الموضوع الا اني عااارفه ان فيكن خير ومانتو مقصرين

انا متزوجه وعايشه في بيت لوحدي وبيتي قريب جدا من بيت ام زوجي ام زوجي طبيعيه فيها من زين والفزعاات لي الي ماراح انساها وفيها من شغل الحموات الله يحللها ويبيحها تقولين وين المشكله

المشكله ان امي كانت ساكنه برا الرياض وتوها من سنه سكنت في ريااض وانا متعوده كل يومين اروح الضحي اجلس مع ام زوجي اسليها طبعا هي عمرها 75 سنه احب اجلس معها واسليها ووديها لمواعيدها معن عندها بنات وعندها زوجة ولدها في البيت بس انا عشت عندها تسع سنوات وتوني طالعه من كم سنه. وهي الله يطول بعمرها تشوف لي بعض حاجاتي وتوصي عيالها يسوون لي بعض حاجاتي لان زوجي الله يهديه مهمل :(مثل يجبون شغاله يقدمون سواق يروحون لولدي بالمدرسه للضروره


المشكله بامي الله يطول بعمرها من جت برياض انا اسوي شغلها لها اوديها برضو لموعيدها اجيب طلباتها سواقي تحت امرها يوميا يوديها لبيت امها تزورها عندها ولد شباب متزوج وجالس بالبيت عندها وعندي خوات غيري برياض برضو يجونها مره بالاسبوع والباقي علي بس خواتي موظفات صباح ونا فاضيه فانا اللي اروح معها طبعا امي مطلقه من كنت صغيره ومتربيه عند جدتي لين تزوجت بس عمري ماقصرت معها


المشكله امي دايم تحسسني اني مهتمه بخالتي اكثر منها ودايم تحسسني اني ازور ام زوجي وام زوجي ماتجيني بالبيت مدري وش اسوي احس اني مضغوطه من هالموضوع ومدري وش الحل خواتي دايم يقولولي انتي ماتقصرين مع امي واجرك علي الله وامي مقدره وتدعيلي دايم بس مدري ليه الموضوع مضيق صدري ومابي اقصر مع ام زوجي واجحدها خصوصا كبيره بالعمر

هل انا مقصره مع امي هل علي ذنب ارجوكم تردون والله رايكم يهمني ودعولي اقدر ارضي هل العجز لاني احبهم الله لايحرمني منهم لدرجة احيانا احمدربي ان ماعندي وظيفه عشان خدمتهم