تعوذي من ابليس وسمي بالله وحددي وقت للتويتر والكاكو انا اذا حسيت في نفسي ادمان للواتس او قوقل يشغلني عن بيتي اكون حريصه اذا صحيت الصبح شحن جهازي صفرر وافطر وافطر عيالي واحط الجهاز بالشاحن وابدأ تنظيف انتي سوي كذا بالاول الفجر صلي واقري اذكارك و سوي كوب شاي او حليب مع بسكوت او شابوره او توست وجبنه ومربى لك ولزوجك اذا يداوم الفجر مو لازم تتكلفي بس صدقيني ينبسط باهتمامك واذا راح كملي نومك واصحي ٩ مثلا ورتبي البيت المدخل والصاله وغرفة النوم والحمام وانتي بكرامه رتبيها من قلبك لان زوجك بيمر عليها لمن يجي من الدوام اكيد والباقي نظفيها تنظيف سريع لمن يصير عندك وقت اشتغلي عليها حبه حبه بعناايه خاصه المطبخ اهم شي نظافته وجهزي غدا سهل صينية مكرونه بالتونه مثلا ماتحتاج مهاره بالطبخ واختاري الطبخات السهله بالبدايه واهمتي بترتيب السفره ونظافتها ومو لازم تنوعين وتخبصين ولايطلع لها طعم ركزي على صنف واحد اقتداء بالرسول صلى الله عليه وسلم مااجتمع في مائدته صنفين من الايدام او بما معنا الحديث وخذي لك شور وجهزي لك لبس مو مكلف بنطلون جينز وبلوزه ناعمه واستشوري شعرك او جعديه ماتفرق المهم نظافة مظهرك وحطي روج وكحل خفيف وخليك مبتسمه متفائله بيومك وروحك مرحه ونشيطه خليه ينام بعد الغدا وسوي حلا خفيف وقهوه وارتاحي لمن يقوم قهويه باعطيك حلا بسييط(بسكوت شاي غمسيه بحليب ورصيه بصينيه وبالخلاط ظرفين دريم ويب وظرفين كريم كرامل وعلبتين قشطه واقسمي الخليط نصفين النصف الثاني زودي عليه ملعقتين نسكافه اوك صبي الجزء الاول بدون نسكافه على البسكوت اللي بالصينيه وحطي فوقها طبقه بسكوت ثانيه مغمسه بحليب وصبي بقيه الخليط بالنسكافه وبرديه في الفريزل لمن يتماسك ) مافي اسهل من كذا وخلي لك جزء من يومك للاستغفار والاذكار حطي سبحه بكل غرفه تشغلك وقت فراغك خلي بالمطبخ راديو على اذاعه القران وبغرفتك انقليه معاك لمن تخلصين وخلي يوم الخميس خاص فيك تشيلين شمع وتسوين ساونا واقنعه لبشرتك وحمامات لشعرك بالنهار وبالليل خليه دلع وحركات مع زوجك لانك بكامل اناقتك طبعا بعد العنايه الخاصه وصدقيني ماضيعنا الا هالاجهزه وكثره برامجها الاجتماعيه ولاتتشائمي بالفشلل وسيبي الكسل ومع الوقت بتصيرين اكثر سناعه وطبع فيك الاهتمام بس يبغالك تعودين  

اذا مسكتي الجهاز خليك من الخرابيط افتحي قوقل وابحثي عن الحاجات اللي تحتاجيها مثلا طريقة اللبس والتنسيق بالملابس نظافة البيت وطرق سهله وتعطير المنزل وترتيب الثاث والعنايه بالطفل نمي مهاراتك كزوجه وام وربة منزل وبنفس الوقت كانثى لها مظهرها واناقتها ولاتنسين الجانب الديني اسمعي مقطع موعظه باليوتيوب لمشايخ مثل الجبيلان او فتاوى غذي روحك قبل جسدك وانصحك تشتغلين على نفسك بهالطريقة من غير ماتقولي لزوجك شوف وايش رايك خليه يكتشف تغييرك بنفسه مع الوقت واذا صبر عليك كم سنه صدقيني بيصبر كم شهر اللي بيلاحظ فيها التغيرات الحلوه ويبدأ يتعلق فيك اكثر الله يديم السعاده على بيتك وبيوتنا ويبعد الكسل ولاتنسين الدعاء اللهم اني اعوذ بك من العجز والكسل موفقه ياارب وحنا كمان معاك بالتغيير في يبوتنا باذن الله

الله يعينك ويوفقك

( دلوووعه )

من اسياب الكسل ترك صلاة الفجر واظبى على صلاة الفجر راح تحسى بتغير فى حياتك والله عن تجربة والله يصلح حالك يارب

كلنا بيوت اهلنا مانطبخ انا ماكنت اعرف شكل مطبخنا بس بعد الزواج خلاص كل شي يتغير صعب بس مو مستحيل انتي شكلك مو موظفه يعني امورك سهله