اليوم انا في انتظار الجميع -----الكل اتكلموا سولفوا طلعوا اللي في خواطركم وفكروا شو اللي يجمعنا مع انه كل وحدة في بلد بس تقارب الافكار والميول و الاهداف والتالف والمحبة شو اللي يخليك تنزلين مواضيعك مب عشان الكل يشاركك المتعة في هذا العمل اذاحولوا تنبسطون معانا واطلبوا اللي تبغونه ---دايما نتكلم عن العيال ودراستهم والطبخ وغيره الكثير بس في الاشغال اليدويه والميول ما تلقين اللي يشاركك فيها لهذا استمتعي بوقتك ودردشي

باجر باذن الله بتنزل التوصيات ونتاءج هذي الجلسات وبداية للعمل ان شاء الله ------تحياتي

ياسلااااااااااااااااااام والله فكيتيني من هم الفطور وتعبه خخخخخخخخخ

اجل جهزي لي فطور حلو بس هاه دبستي نفسك فيني انا ترى احب المعجنات يعني افهميها هههههههههه

الله لقيمات حلوه مره بس هاه خلي لي جزء منها بدون شيره احبها بدون شيره شوفي كيف تصانيفي هههههههههه

ولا تنسي شربة شوفان وكمان عصير فيمتو اوكي؟؟؟ اشرطت ما انعطي وجه انا هههههههههه

اما العشاء امري لله بساعدك فيه ولا يهمك هههههههههههههه

انا مشهوره في البيت بطبق المكرونه بالخضروات هذا اللي فالحه فيه انا هههههههههههه

والله عندي سوالف كثيره تخص الكروشيه بس ان شاء الله اصلي العصر وارجع

الغالية جود--فالج طيب ما طلبتي بسوي كل اللي تبينه بس الفيمتو حصلت في السوق عصير الربيع بنكهة التوت رهيب طعمه ومثل الفيمتو بس خفيف وانا استعمله بدل الفيمتو ياللا بحطه يبرد اكثر وفي انتظارج بعد الصلاة
التوقيت الان الخامسة مساء

اوكي يالغلا نشرب عصير الربيع كل شي من يدك حلو

يابنات ياليت كل وحده فينا تقول ايش اللي في يدها هالايام تشتغله

مو شرط يكون انهت عمله حتى لو كان لسه فكره او اشتغلت فيه كم سطر

بالنسبة لي انا في يدي هالايام كم قطعه كل وحده اخصص لها يوم اشتغل فيهها كم سطر

القطع اللي في يدي هالايام هي لانجري و الجاكيت الدائري ودحينه ببتدي بالقبعه اللي اللي نزلت ورشتها الغالية ام عزيزان

يالله انتوا قولي لي ايش اللي في يدكم هالايام

الغالية جود يا هلا بج ---انا في ايدي توزيعت البيبي----وحامل لادوات النظافة بعد للبيبي --بس بخليهم شوي وبشتغل قبعة ام عزيزان لانها ما تاخذ وقت وعندي سجادة لمدخل الحمام (عزكم الله )من وحدات عباد الشمس لاني مسويه طقم كامل من فوط لليد ديكور للحمام من الديكوباج بعد عباد الشمس وعلاقة للمحارم وتلبيسة لعلبة الصابون وسلات القمامة (تكرمون) شيء عرضته لكم سابقا والباقي بعرضه قريبا


وانتوا يلا نسمع الردود