ام عزيزان وكل البنات 000ابغى اتسنع ممكن تساعدوني

السلام عليكم ورحمة الله وبركاته
انا بصراحه دقتني الغيره وقررت اصير مرة سنعه ولي لمستي الخاصه في البيت ومن هذا المنطلق

نخيتكم 00 وان شاء الله ما تردوني

انا صالتي كنت صابغتها لون مشمشي لكن زوجي ما جاز له اللون 000وقالي انتي ناويه تعذبيني حاطه لي لون من الوان قوانتنامو فازعل علي ومن غير مشاور راح وجاب لي سطل بويه لون سكري وصبغ الصاله فا أنا زعلت وطنقرت وما اثثت الصاله عقابا له وردعا لامثاله 000000



هذا الكلام من سنه لكن اللحين كل ما امر على الصاله يضيق صدري لا سيما ان اللون المشمشي مازال مبقع وظاهر اللون في بعض المواقع على الجدار لان اللون السكري فاتح وما غطى عدل



المهم انا شريت كنب امريكي بيج ومقلم بالازرق الغامق ومعه مخدات كبار لونها ازرق

ايش رائيكم اعتق الصاله وايش الالوان اللي اختارها للتعتيق مع العلم ان عمري ما صبغت او سويت اي شئ له علاقه بالديكور انا ابي اسوي كل شئ بنفسي علشان احس اني مرة سنعه مثلكم واطفي نار الغيره اللي ذابحتني كل ما اشوف ابداعاتكم الله يحفظكم من العين ما شاء الله لاقوة الا بالله


وايش رائيكم بالديكوباج لان ام عزيزان ماشاء الله عليها خبيرة بهالفن فما ادري ايش اسوي التعتيق او الديكوباج وايهم اسهل للمبتدائين اللي مثلي

بنات لا تخلوني الله يعافيكم ردو علي