ام غلا..تبيكم بكلمة راس ضروريه جدا جدا؟؟خصوصا واحنا برمضان

اهلين بنات كيفكم..


الحمدلله..ان الله تمم علينا الصيام ومر 15 يوم من رمضان واحنا بصحه وعافيه..الله يتمم علينا الباقي


بصراحه يابنات انا ابي اناقشكم بموضوع مهم جدا الا وهو الصدقه..الحسنه..العطاء


شوفي ياقلبو...الكلام للكل والجميع..ولمن اتهم بالنقص اخص البعض وكل وحده عارفه بالضبط هي من اي نوع وعسى الله يقدرنا اننا ننصح ونتقل النصح..وكلنا اخوات في الله والحمدلله..




اول مره اسوي محاضره كذا خاصه..عاده اتكلم بردودي بس هالمراه تجرات..اصبروا علي






شوفوا ياقلبي..كلمتني وحده زميله لي..كنت اشتغل انا وياها بكليه معينه(اشتغلت كبديله فتره انا)

المهم كان النظام ان وحده جزاها الله خير كل شهر تلم من الموظفات كل وحده 50 ريال

والله والله يابنات..ان رواتب اللي يدفعن هال50 ريال من 4 الاف الى 9 الاف

سبحان الله تقول اول 4 شهور الكل كان متحمس ويدفع..تقول بعدين جوني موظفات للمكتب

وطلبوا مني شطب اسماءهم..تقول انا قلت بنفسي تلقين راتبها 2-3 الاف ومزنوقه ضعيفه

تقول واشوف السجلات ولا رواتبهم فوق ال6 الاف..يعني ال50 ريال ماتحرك لها شعره

المهم تقول حزنت خصوصا ان هالمبلغ اوزعه على عاملات النظافه بالمدرسه وهن سعوديات اربعينيات وخمسينيات..مو اجنبيات


ارامل ومطلقات وفاتحات بيووووت عائلات والشركة التابعه لهن تصرف لهن 400 ريال بالشهر بسسسسسس


تقول مع الاعانه الشهريه وصلت رواتبهم من عطاء الموظفات الوحده 800 ريال تقول برضه قليل بس احلمدلله احسن من ولا شي



لكن الحين تقول بعد مانسحب اغلب الموظفات تقول رجعوا ياخذون بس500 ريال بالشهر

وتقول بعض الموظفات جزاهن الله خير..بداو يتبرعون بسهمين يعني 100 ريال بالشهر مع ان رواتبهن


2-3 الاف بس..لكن سبحان الله الغنى غنى النفسسس مو غنى المال


وياما غني بخيل محروم..وفقير معطاء كريم


وتقول وحده من الموظفات راتبها بس1800 عالبند ومشاركة معي بسهمين..وتقول سبحان الله تصدقون ان راتبي صار فيه بركه واني ادخل السوق واجيب اللي ابي ويبقى معي فلوس

وان الله يرزقني من حيث لا احتسب..تقول افوز بسحوبات ومسابقات وتجيني قد اللي صرفت عالصدقه مره ومرتين و3 مرات بدون لا احس


تقول صرت احس انه فرررض علي وعسى الله لايغيرني



ايه يابنات..اتمنى انكم تكونون قدوة حسنه



انا ماقول الكل..لكن يشهد الله اني كنت اشوف موظفات الله يستر عليهن شنطتها ب4-5 الاف

ولا مر عليها ظرف الصدقات ماتحط حتى 5 ريال..


ليه يابنات؟؟مسؤلين عن مالنا فيما انفقناه؟؟

مو حرام كذا؟؟


اذا انتي مكتسيه تذكري ان فيه ناس عريانين

واذا انتي متبرده بالتكيييف


فيه ناس تموت من ضربه الشمس والحر


واذا انتي تكثرين بالفطور وتكبين النعمه فيه ناس تشحد من المساجد

ومو لاقيه حتى الرز الناشف تحطه بالفريزر:09:


الله يسترنا ولا يفضحنا ولا يحرمنا النعمه..االصدقه الصدقه يابنات


انا يعجبني اعلان في قناه دبي..اللي يوريك كل مبلغ مهما كان صغيره تصرفينه بشي تافه

كيف انه بمكان ثاني من العالم مهم جداااا


يقولك كوب من القهوه ب20 درهم..يجيب وجبه اطفال غداء لمده شهر

تصوري؟؟20 درهم 20 ريال..2 دينار وش ياثرون فيكي؟؟وش يحركون فيكي؟؟


بالنسبه لنا مايجيبون شي يمكن بكله شعر او اكسسوار تافه وبالنسبه لهم مصيري ماء سر الحياه



اتعب وانا اتكلم يبغالي كتاب..بس ذكر لعل الذكرى تنفع المؤمنينن:26:





(((((( مشرفات بليز لاتحذفونه ولا تنقلونه..انا احب اخواتي في الله بهالقسم وابيهم ينتفعون.. ويتذكرون))))


جزاكم الله خير؟؟؟


اللي عندها اضافه تقول..واللي ماعندها ترفع..وتدعي للكل