ام فريح .....والحمل..

صباح الخير لكم جميعاً..
اكتب موضوعي هذا لكل من تأخرت في الحمل ..أن لا تيأس من رحمة الله وتجعل الأمل قنديلأ ينير صبرها ..
انا الحمدلله عندي 3 اطفال وتأخرت في الحمل ست سنوات ونصف ..طبعاً عندي كسل في الغده ولما رحت للدكتوره وكشفت قالت كل شئ تمام اللهم لك الحمد..
لكن كان فيه ضعف تبويض ..اخذت شهرين كلوميد ودافستون وشهرواحد ابره تفجيريه لكن ما أراد ربي أني احمل..
انا من آخر ولاده ليه كان ظهري مره يألمني وكان نفسي اروح للحريم اللي يمرخو بس ما أعرف احد ..المهم اني وحدة دلتني على أم فريح عندنا في الجبيل وماشاء الله تبارك الرحمن صيتها معروف الله يبارك لها
ويجعل على يدينها الشفا لكل من قصدها..
رحت لها وانا خايفه لانو يقولو يدها ثقيله وانا عمليه قيصريه المهم قالت 3شهورتداومي على التمريخ وبدأت تمرخ قالت الرحم عندك مايل كله جهة اليسار ونازل ..
ومرختني صح يدها شويه ثقيله بس والله تحسي براحه بعدها ..رحت لها 3 ايام اليوم الثالث سوت ليه كاسات هوا اول مره اسويه والكاسه اللي على مكان الم الظهره كانت مرا تعور ..
واعطتني سفوف اشربه ..
وانا دورتي ملخبطه وكملت شهروانا استنى تجي ما جات واشتريت تحليل حمل بس كنت متردده اني اسوي تحليل لاني ما احس ب اعراض حمل بس صدري احسه غريب كذا وفيه الم بسيط ونوم كثير بس انا اصلاً انام كثير علشان الغده علشان كذا ماحسيت بفرق وكمان عصبيه حسيتها اكثرمن المعتاد..
واليوم الساعه 3 قلت خليني احلل ماني خسرانه شئ والمفاجئة طلع خطين والله ماني مصدقه مصدومه من الفرحه رحت صحيت زوجي من النوم وقلت له يمكن الجهاز خربان قال لا مو خربان ان شاء الله انو حمل
الحين يوم صحصح ويبغى يروح الداوم قال لجيت اوديكي المستوصف علشان نحلل يقول لسى ماني مستوعب قلت له وانا كمان والله خايفه ان الجهاز خربان...
اللهم لك الحمد كماينبغى للجلال وجهك الكريم...الله يرزق كل محرومه بأطفال يكملو سعادتها ويشفي كل مريض ..يارب لا تيأسو..وعليكم ب الدعاء والصدقه..