ام قسمت حبيبتى رجاء المساعده فى هذه الغرزه تسلمى يارب

بسم الله الرحمن الرحيم ام قسمت رجاء شرح هذه الغرزه بالكلام ربنا يخليكى انا رجعتو تانى للصفحه الاولى لعل وعسى ترى الموضوع وشكرا

حاضر حااحاول علشان خاطرك بس ابني عايز يقعد دلوقتي حااشوف الباترون وارد عليكي

ولا تعب ولا حاجه ياسهام بس مشكله الباترونات اني بابقي عايزه مفتاح الباترون علشان اعرف الغرز وخصوصا الغرز الغريبه بس الحمد لله الباترون ده سهل ومافيش غير غرزه واحده هي اللي كانت غريبه علي وجربتها وطلعت معايا تحبي اشرح بالتفصيل سطر سطر ولا اقول الغرز بس

بسم الله الرحمن الرحيم ام قسمت حبيبتى ياريت الشرح بالتفصيل الممل معلش تاعباكى معايا براحتك وقت ماتفضى انا مش مستعجله بس بالتفصيل الممل من فضلك ربنا يخليك ليا يارب وميحرمنيش منك ياريت سطر سطر تسلمى حبيبتى يارب

بصي ياقمر الباترون علي 19 غرزه وتعملي السطر الاول والتاني عدل
السطر التالت غرزه عدل – لفتين 2 عدل معا – وتمشي لغايه قبل نهايه السطر ب3 غرز خدي 2 عدل معا – لفتين – 1 عدل
السطر الرابع عدل كله واشتغلي اللفتين واحده عدل وواحده مقلوب
السطر الخامس والسادس عدل
السطر السابع - 1 عدل - لفتين – 2 عدل معا – لفتين – 2 عدل معا واشتغلي السطر عدل لغايه قبل النهايه ب5 غرز اشتغلي 2 عدل معا – لفتين – 2 عدل معا – لفتين 1 عدل
السطر التامن زي السطر الرابع
التاسع عدل
العاشر اشتغلي6غرز عدل - اعملي ال14 غرزه التاليه كالاتي اغرزي الابره في الغرزه ولفي الخيط مرتين علي الابره وخدي الغرزه – 5 غرز عدل
السطر ال11 – غرزه عدل – لفتين – 2عدل معا – لفتين – 2 عدل معا - لفتين – فكي اللفات من ال14 غرزه ا –التاليه وهم علي الابره اليسري واشتغلي 15 غرزه كلهم مع بعض في غرزه واحده - لفتين – 2عدل معا – لفتين – 2عدل معا – لفتين – 1عدل
السطر الاخير كرري السطر الرابع