بنات تكفون انا فيني طيبه مو طبيعيه لدرجه الناس ترمي علي الكلام ومااقدر ارد مدري مايجي براسي رد يسكت ويفشل اللي قدامي والله اني انقهر من نفسي ودي ارد
وادري كل الكلام من غيره
تقولون غرور لاوالله
ثقه بالنفس لاوالله كان عرفت اسكتهم
لاني عارفه الحال واقوله لكم باختصار اسباب رمي الكلام علي غيره من اشياء كثيره
علاقتي بزوجي ولله الحمد ماشاء الله زينه
تربيتي لعيالي الحمد الله ممتازه
هذا غير غيرة الحريم من لبش وشكل وش لابسه وش حاطه وش شاريه
المهم اهل زوجي دايم يقهروني بكذا شي برتبه لكم بالترتيب واعطوني واش اجاوب عليه بالترتيب
1-لما اكون عندهم واشوف خواته القاطعات اللي كل وحده ساكنه ماشالله اللهم لاحسد بيت ماتعزم عليه لو تموتين تعزم الناس اللي برا لاكن اخوها ومرت اخوها لا والف لا وانا ماهمني بس ابي لوقالتلي هالكلمه اعرف ارد
دايم لاشافتنا قالت كنت بعزمكم ببيتي بس قلت مدري ماله داعي اشوفكم عند امييييي:icon28:انا نفس الجمله تستفزني قبل اخوها ياربي وش اقول اقول اي صح ماله داعي ولا ليش ولا وشو والحين انا نازله من فرنسا لهم ومتأكده اهم ماراح يعزمون برمضان وماهمني بس لايقولون هالجمله ياناس احسها استهزاء وتحقير والله اخوهم انه بمنصب ماشالله كبير ومو بحاجتهم والله والله اننا نشرفهم مانفشلهم المفروض يفتخرون مو يسون كذا
2-ام زوجي كل حين ومين قالت ياويلي ياوليدي والله انك صغير على الزواج والعيال اللي قدك ماعرس :44:بالله مو شي يقهر
والله انها ماتوريني جماعتها وخواتها مدري ليش والله مو غرور اني املك ولله الحمد الجمال والاخلاق بس عاد وش اقول اقولها تبين تزوجين ولدك ولا وشووووووو انا فاهمه قصدها
3-المره هذي صديقتي اللي كل ماشافتني قالت وراكي ماتشترين شنطه ماركه ولا نظاره ماركه انتي بباريس والناس هناك مايشيلون الا ماركات
طبعا انا الصديقه هذي ماعد صارت صديقه بس اشوفها بين وقت واخر
انا رديت عليها باكثر من رد تعرفون لاهي من حمولتي ولا شي يعني اخذ راحتي شوي
مره قلتلها الناس لاتثمنيها بمشترياتها انتي تناظرين قشور دايم
ومره قلتلها انا عايشه بباريس لاتتكلمين بشي ماتعرفينه الناس هناك ماتصرف فلوسها بخرابيط يالله اكلها وشربها المظاهر الزايده عندنا
ومره قلتلها تراكي ذبحتيني لاتمشين معاي كفايا انتي شاريه
هذي وشلون اسكتها والجمها
عاد مدري وش بتقولون عني حساسه ولا عصبيه اعطوني ارائكم تكفون
استناكم :26:
عائلتي حياتي @aaaylty_hyaty
عضوة نشيطة
يلزم عليك تسجيل الدخول أولًا لكتابة تعليق.
التطينش ااااااحلئ رد~ مو يقولون الحقران يقطع المصرااااان اهم شششششششي انتي واثقه من نفسسسسسسك هذا المهم والبااااااقي ورئ ظهرك~
انا ابي اعرف وش الرد المناسب ماابي اهاوش ولا اعاتب اصلا مو طبعي بس ابي الرد البارد اللي يحرج الشخص اللي قدامي
رجاء ابي حلول
ولا تقولو خليكي احسن ولا ولا
انا انسانه واحس ولما يكون الاذلى اكثر من مره اتأذى نفسيا اكيد الاكثريه يعانون من اهال الزوج تخيلي انك تروحين وتسمعين كلام يغث
رجاء ابي حلول
ولا تقولو خليكي احسن ولا ولا
انا انسانه واحس ولما يكون الاذلى اكثر من مره اتأذى نفسيا اكيد الاكثريه يعانون من اهال الزوج تخيلي انك تروحين وتسمعين كلام يغث
فلورنسيا
•
الله يكون بعونج والله
لاتعطينهم ابد ويه واحقريهم وتشوفين شلون بس ينقرون
الحقران يقطع المصران
لاتعطينهم ابد ويه واحقريهم وتشوفين شلون بس ينقرون
الحقران يقطع المصران
قولي لا اله الا الله واستغفر الله العظيم التواب الرحيم لذنبي ولذنب المسلمين والمسلمات والمؤمنين والمؤمنات الاحياء منهم والاموات ...
ولو بتناظرين للناس ووش يقولون كان ماتنتهين .....
ولو بتناظرين للناس ووش يقولون كان ماتنتهين .....
الصفحة الأخيرة
"مَنْ قَالَ
لا إِلَهَ إِلا الله وَالله أَكْبَرْ،
لا إِلَه إلا الله وَحْدَهْ،
لا إِلَهَ إِلا الله وَلا شَرِيكَ لَهْ،
لا إِلَهَ إِلا الله لَهُ المُلْكُ وَلَهُ الحَمْدْ،
لا إِلَهَ إِلا الله وَلا حَوْلَ وَلا قُوَّةَ إِلا بِالله،
يَعْقِدهُنَّ خَمْسًا بِأَصَابِعِهِ ثُمَّ قَالَ: مَنْ قَالَهُنَّ فِي يَوْمٍ أَوْ فِي لَيْلَةٍ أَوْ فِي شَهْرٍ ثُمَّ مَاتَ فِي ذَلِكَ اليَوْمِ أَوْ فِي تِلْكَ اللَّيْلَةِ أَوْ فِي ذَلِكَ الشَّهْرِ غُفِرَ لَهُ ذَنْبُه"، أخرجه النَّسائي في الكبرى(9857) ، وصححه الألباني (صحيح الترغيب والترهيب، 3481).