ام لطفل وتدرسين بالجامعه ؟ اذا ادخلي عندي لك سؤال..

هلا حبيبتي..............بالعكس الدراسة مع وجود الاطفال مو شي صعب
اهم شي يكون عندك احد يساعدك ...............يعني اذا بتكونين ساكنة مع اهل زوجك هالشي بيريحك حيل مع وجود خادمه طبعا ...............واهم من هذا كله زوجك يكون متفهم ويقدر الظروف الي بتمرين فيها من امتحانات وواجبات وهم الدراسة
انا تزوجت وكنت ادرس والحمدلله مشى الحال..............حملت وولدت وكنت اداوم بجميع الحالات حتى وانا نفاس:)..........تعرفين ماكو اجازه حدك اسبوعين وتردين تداومين

وبقولج شي مهم .....................اهم شي تختارين كلية وقسم سهل يعني ادبي يكون اريح لكي يعني اذا طوفتي محاضره او اكثر تقدرين تلحقين عليها لانها بتكون اسهل من الكليات العلمية

ونسيت اقولج شي مهم بعد:)........................اهم شي تكون ارادتك قوية وتصرين على المواصلة مهما مريت بظروف صعبة لان لابد ان تحوشك ايام تكرهين فيها الدنيا والساعة الي فكرتي فيها تكملين .........مثل حالاتي:)................بس كلها اوقات وتعدي لان الشهادة اهم شي برأيي :)

الدراسة مع وجود طفل=تعب في شغل البيت+اهمال ولو بسيط في امور طفلك+نسيان ولو بسيط لوجود زوجك+ارهاق يومي من الواجبات والمشاريع .
انا اتكلم عن نفسي
مافي مشكلة بيني وبينه الا بسبب الدراسة
وخاصة لما يكون القسم محتاج وقت وجهد
من يوم ما تازوجت وانا احاول اوفق بين الدراسة والبيت وزوجي
وحاليا وبين احتياجات بنوتتي
ودااااااااااااااااااااااايما اللي يصير انه كل شي يهمل مقابل الدراسة
واذا جات ايام اكون فيها في كل شي فل
اعرفي اني تاني يوم حاكون زي الميتة
واهو عمري ما عديت اواسط العشرين لكن
الام شديدة في منطقة الحوض
الام ظهر
اجلس ما اقدر اقوم الا بجهد والم
الام القولون
والحمدلله فوق كل ذا حامل
لكن اسال الذي لا يضيع عنده شيء ان يكتب لي الاجر
وا يجعل دراستي من اجل خدمة الاسلام والمسلمين
عشان ما يضيع كللللللللللل هذا التعب عشان شهادة وبس
وفي الاخرة خسرانة ويمكن زايدة ذنوب
المهم النية
والله يعينناااااااااااااااااااااااااااااااا

لازم وجود الخادمه في البيت حتى لو كنت مع اهل زوجك طبعا انا كنت احط بناتي عند خالتي وبعض الاترام اسجلهم في الحضانه حقت الجامعه ,,


ومع شوي ترتيب واصرار وانتباه اثناء المحاضرات وعدم ترك اي وقت فراغ يمر بدون الاستفاده منه صدقوني بتخلص زي السلام عليكم وبتذكرونها

يعني خلو لكم وقت معين للدراسه والجلوس مع ازواجكم والعيال ممكن تخلين الخادمه معك في نفس غرفة الدراسه مع طفلك بس تركزين حواسك على التلخيص والمذاكره والمذاكره اول باول تنهي اغلب الصعوبات وعدم تاجيل الاعمال

آآآآآآآآآآه
واخيرا تخرجت السمستر اللي طاف بعد جهد مضني مع البيبي

المشكلة اني ساكنة بشقة لحالي مو مع اهل زوجي واهلي بعيدين عني
وزوجي مشغوووووول جدا يدرس ويشتغل
وما عندي شغالة
وتخصصي صعب ويبي له حسابات وتحليلات وفهم وحفظ بعد

بس الحمد لله تخرجت وبمعدل زين (( above 3.5 ))

وولدي الله يهديه كان يجنني لااازم ايام الامتحانات الفاينل يمرررض ومرضه غير شكل يعني ما ينام وحتى لو نام مجرد احطه بالسرير يقعد
انا زوجي ما كان يحاسبني ابداً على شغل البيت من تنظيف وطبخ الاكل على طووول جاهز لان كفاية المصايب اللي انا فيها

وطريقتي بالدراسة تدرين شلون كانت؟؟
ما راح تصدقين

كنت ما اشتري كتاب المادة الا قبل التست الميدتيرم بيومين ثلاثة , أو اذا كان عندنا كويز أسوي كوبي حق الجباتر اللي ويانا والسلاااام
حتى في البروجكتات ما كنت اسوي شي الا قبل البرزينتيشن بيومين ثلاثة

والحمد لله تخرجت بمعجزة من الله تعالى

وانتظر التوظيف ادعوا لي

قلت لج قصة حياتي بس لان موضوعج ذكرني بالمعاناة وحبيت اني اتذكر علشان احس بلذة النجاح ....خخخخخخخخخخخخخ

بس نصيحة مني واصلي دراسة كلها سنتين ثلاث وتحسين بان تعبج ما راح بلاااش

بالنسبه لي واجهت صعوبات كثيره من الناحيه الصحيه والنفسيه لاني زوجي كان معارض اني اكمل عشان اربي البنوته واتفرغ لها بشكل كامل وخصوصا في سالفه الرضاعه الطبيعيه لكني فكرت فيها دام اني تعبت حالي وجاهدت بسنه ثانيه وهي من اصعب المراحل في القسم الي اناادرسه وعرضت حملي للخطر لانه من الشهر الثالث قالت لي الدكتوره اجلسي بالبيت بس انا عارضت واستمريت وكان دايم تجينيء تقلصات بالرحم تعذبني وتنومت بعد الاختبارات على طلق مبكر في الشهر السابع ووووووووووووو
وبعد هذا كله اجلس بالبيت نو ويه

مثل ماعديت فترة الحمل رح اعدي فترة التربيه هذي وجزمت والحمدلله ربك لطيف وخبير بالعباد ولا عمري حملت ماده والا عدت سنه. وانقضت وهذاني تخرجت الحمدلله السنه وجالسه معها ومااني مقصره معها بشيء والا اظن اني قصرت في فترة الرضاعه لاني كنت اسحب لها حليب من عندي يعني بالكثير شربت 3 رضاعات حليب صناعي. وامي ماقصرت معاي ايام الاختبارات اروح انام في بيت اهلي

انتوا حاولوا قد ماتقدرون ماتضيعوا ولا دقيقه بريك بالجامعه سووا وجباتكم في طريق الروحه والرجعه ذاكروا بالسياره مو ضروري يكون عندك اختبار عشان تراجعي الي عليك يومياً ذاكري وتسهل وتتيسر بأذن الله ولما ترجعوا من الجامعه ناموا عشان تأخذو شويه طاقه وتقدرو تقوموا بااولادكم ورجالكم باقي اليوم وعلى فكره انا ماكان عندي شغاله لكني كنت انزل على طول من الكليه لبيت اهلي وبعد مايرجع من الدوام المغرب يجيء يأخذني انا وبنتي .