السلام عليكم
اتمنى كل وحده تقرا موضوعي فضلا وليس امرا تدعي لي بالحمل السليم المعافى
وان ربي يرزقني واحمل يارب امين وانك قادر على كل شي
انا ياحبيباتي سبق وحملت طبيعي من 6سنين ومع طفل الله يحفظه يارب
المهم من بعدها احاول احمل وماقدرت المهم ماتركت ولا ممرخه ولا دكتوره ولا مستشفى بعضهم يقول سليمه وبعضهم يقولون عندك حليب وانا من علاج لعلاج ادويه واعشاب واخر شي كان عندي هرمون الحليب مرتفع واخذت حبوب عشان تخفضه وربي كاني اتوحم تلوع الجبد ووقفتها واستمريت على البردقوش وبفضل الله ثم البردقوش نزل عندي هرمون الحليب
المهم طفشت ووقفت فتره طويله كل شي واخر مره سمعت عن دكتور اسمه نايف السحلي بمستشفى سليمان الفقيه المهم الدكتور قبل العمليه قمه في الاخلاق بعد العمليه استغفر الله
المهم انا ووحده سوينا تلقيح مجهري انا حملت بواحد وهي ب3 سويت تحليل رقمي بعد 14 يوم من العمليه طلع 14 وهي طلع لها 61 على مااظن المهم ربي ماكتب لنا الحمل
(الي تبي تستفسر عن اي شي يخص العمليه من عيوني)
المهم الحرمه الي كانت معي تقول زوجها كانت عدد الحيوانات المنويه عنده 250الف وبفضل الله ثم علاج ام ماجد الي هو خلطه عسل واعشاب يطبخها في البيت صارعددها خلال شهر واحد 18مليون ماشاء الله لااله الا الله
قررت اروح لها لان زوجي عنده 20 مليون والحركه ضعيفه والتشوهات كثيره
المهم رحت للحرمه وماشاء الله الحرمه قمه في الادب
اول شي كشفت على بطني وبكل احترام الله يوفقها قالت زوجك عنده لزوجه وانتي عندك بطانة الرحم سميكه ولا تمسك اي جنين قلت والسبب قالت من بعد الولاده او الاشياء الغلط الي نقوم بها اثناء الدوره
قلت والحل قالت بكتب لك عن كل شي وباذن الله خلال شهر وانتي حامل (يارب امين )
المهم اعطت لزوجي كيلو عسل معه اشياء مادري وش هي ب500ريال
(تقولك اذا ماتبين تشتري من عندي عادي بكتب لك وانتي سوي بنفسك)
واعطت لزوجي يشرب يوميا منقوع البقدونس مع بذور الفجل مع حبه سوده قصيميه مع لبان ذكر مع نعناع لمده شهر
وانا اعطتني منقوع الشمر واليانسون والبردقوش<<---تقول هذول يسوون توازن للهرمونات كلها وينزل الي ببطني
واعطتني خلطه للبطن الي هي اوراق الحرمل مع بذور الكتان اطحنها واخلط ملعقه من كل شي واعجنها كانها حنه واحطها على بطني لمده ساعه يوميا لمده اسبوع ويوم تشرف الدوره احطها من اول يوم لمده 7ايام
المهم اختكم تحطها يوميا ابي اطيب بسرعه
هذي كل تجربتي واتمنى تستفيدون منها
والله يرزق كل محرومه يارب وفضلا وليس امرا الي تقرا موضوعي تدعي لي ربي يرزقني بالحمل السليم المعافى
شمووووخ* @shmooookh_3
محررة
يلزم عليك تسجيل الدخول أولًا لكتابة تعليق.
الله يرزقك بالذريه الصالحه في الايام الفضيله هذي ويارب ترزق كل محرومه بالذريه الصالحه يارب ..
ام قسومي
•
الله يرزقك بالذريه الصالحه في الايام الفضيله هذي ويارب ترزق كل محرومه بالذريه الصالحه يارب ..
اختي ممكن ترسلي لي رقمهاااا انا من جده وودي اروح لهااااا بازن الله
اختي ممكن ترسلي لي رقمهاااا انا من جده وودي اروح لهااااا بازن الله
الصفحة الأخيرة
اما صحبتي هيه واختها حملو بفضل الله بعد علاجهااا ويمدحون فيهااا