ام محتاجه لمشورتكم ضروري بخصوص زواج بنتها من مبتعث

الاخوات العزيزات السلام عليكم ورحمة الله وبركاته

بدون ما اطول ابطلب مشورتكم صديقه عزيزه علي شاورتني بموضوع خطوبة بنتها

وقالتلي حطي نفسك مكاني وش تسوين

انا انحرجت لاني ما قدرت اساعدها ليش المشكله كالتالي

بنتها بعمر بنتي ونفس المرحله الدراسيه وبنتها انخطبت لشاب مواصفاته حسب

كلامها ممتازه والمشكله انه رايح يكمل ماجستير بامريكا وحاب ياخذ عروسته معه

البنت عمرها 19 سنه وعاقله لكن ابوها حسب ما فهمت حريص عليهم بزياده الشوي

ورفض فكرة السفر لان بنته صغيره والام متردده لان الشاب ما فيه عيب وعاقل

ومحافظ على الصلاه وهذا مهم جدا

خفت اقولها وافقي وما تتوفق البنت وتلومني بعدين وخفت اقول ارفضي وتقول غارت من بنتي

لانها انخطبت قبل وش رايكم

هل من المناسب ان البنت بهذا العمر تتزوج وتسافر هل فيه صعوبات كثيره

هل اشجعها اواهبط عزيمتها وخاصه ان الاختبارات بدأت وصعب تشارك بنتها

بالموضوع وانا وضعي حساس اعطوني ارآئكم من خبرتكم وتجاربكم ومن تغربت

منكم بنفس الظروف او تعرف احد بنفس الظروف ارجوكم ساعدوني

والله يجزاكم خير ويرجعكم لبلادكم بخير وعافيه

اسفه للاطاله بس مالقيت احد اساله غيركم

دمتم بخير