السلام عليكم ورحمة الله وبركاته
أخواتي بسألكم عن ام ناصر بالذيبيه يقولون تعالج جميع الامراض
هل هذا صحيح احد راح لها واستفاد من علاجها
خصوصا للعظام والشلل
هي بعيده عنا وروحتي صعبه كثير ياليت الي جربتها تقولي عنها
واوصفولي مكانها عشان أحاول اروح بالإجازة
فرجوكربتي ربي يفرج همكم
حكاية أمنية @hkay_amny
محررة فضية
هذا الموضوع مغلق.
ياقلبي خليني اقولك قصتي أنا معها ويشهد علي ربي مافي شيء كذب تجربة شخصية معها
أنا أمي الله يرحمها مريضة فشل كلوي وذكروها لنا ورحنا وإحنا من الرياض وهي بقرية الذيبة تبعد عن القصيم مدري كم المهم لما رحنا وصلنا الساعة 5 ولإنها قرية مافيها شقق مفروشة قلنا نبي نروح ندل بيتها ونرجع للقصيم نأخذ شقة والصباح نروح لها رحنا لبيتها الساعة 5 المغرب ومافي احد والمكان ظلام ويخوف وأمي منسدحة بالسيارة وتعبانة ومافي احد معنا إلا ابوي وأمي وأبوي كلهم كبار ونزلت انا أطق بيتها وطلعت لي وقلت لها قالت انا ماأعالج إلا بعد صلاة الفجر امسكو سرى الين الفجر قلت لهأ بنروح ننام بشقة ونجي قالت لا يمكن يروح السرى عليكم واترجاها تكفين امي تعبانة عالجيها الحين وخلينا نتوكل كان مع اذان المغرب وصرخت علي ذيك الصرخة اللي خلتني اكره كل شيء بالدنيا بس وش سوي محتاجينها الله يسامحها بس مدري وش خسرانة لو معالجتها بدري المهم جلسنا الين الفجر وكل شوي تجي ورانا سيارة نمسك سرى وآخر شيء فتحت بعد صلاة الفجر والله لايوريك المعاناة أامي تعبانة وجت انسدحت ورى وقدام ابوي واغراضنا ونزلت واقفة بالشارع من الليل الين الفجر وأنا قاعدة بالليل بالشارع مالي مكان بالسيارة المهم اذن الفجر ودخلتنا وتخيلي دخلت مجموعة بس قالت الباقي يجون بكرة لإنها تعالج من 5 إلى 6 وبس تقول عندها عيال ولدها لازم تروح تمشيهم للمدارس دخلت امي غرفة العلاج ورب الكعبة واللي يرحم امي بقبرها ناظرتها وعطتها علاج ولا كشفت عليها ولا سألت ولا شيء وأمي كان معها انتفاخ ببطنها كأنها حامل ولا كشفت ولا شيء وربي انتظرناها فوق 12 ساعة ومدة العلاج دقيقة ناظرت وعطتني علب علاج قالت اعشاب تنشرب وزيت تدهن به قيمتهن كلهم 70 ريال
ومشينا من عندها ولا استفادت امي شيء ابد ابد ابد ابد خسارة روحتنا بس وجارتنا. راحت لها قبلنا ولا استفادت شيء بس ماكنا ندري انها رايحة بعدين قالت ولدها فيه شلل رباعي
هذي قصة معها ويشهد ربي ماكذبت بحرف بس ماأبيك تشوفين معاناتنا وابي منك تدعين لأمي بالرحمة
أنا أمي الله يرحمها مريضة فشل كلوي وذكروها لنا ورحنا وإحنا من الرياض وهي بقرية الذيبة تبعد عن القصيم مدري كم المهم لما رحنا وصلنا الساعة 5 ولإنها قرية مافيها شقق مفروشة قلنا نبي نروح ندل بيتها ونرجع للقصيم نأخذ شقة والصباح نروح لها رحنا لبيتها الساعة 5 المغرب ومافي احد والمكان ظلام ويخوف وأمي منسدحة بالسيارة وتعبانة ومافي احد معنا إلا ابوي وأمي وأبوي كلهم كبار ونزلت انا أطق بيتها وطلعت لي وقلت لها قالت انا ماأعالج إلا بعد صلاة الفجر امسكو سرى الين الفجر قلت لهأ بنروح ننام بشقة ونجي قالت لا يمكن يروح السرى عليكم واترجاها تكفين امي تعبانة عالجيها الحين وخلينا نتوكل كان مع اذان المغرب وصرخت علي ذيك الصرخة اللي خلتني اكره كل شيء بالدنيا بس وش سوي محتاجينها الله يسامحها بس مدري وش خسرانة لو معالجتها بدري المهم جلسنا الين الفجر وكل شوي تجي ورانا سيارة نمسك سرى وآخر شيء فتحت بعد صلاة الفجر والله لايوريك المعاناة أامي تعبانة وجت انسدحت ورى وقدام ابوي واغراضنا ونزلت واقفة بالشارع من الليل الين الفجر وأنا قاعدة بالليل بالشارع مالي مكان بالسيارة المهم اذن الفجر ودخلتنا وتخيلي دخلت مجموعة بس قالت الباقي يجون بكرة لإنها تعالج من 5 إلى 6 وبس تقول عندها عيال ولدها لازم تروح تمشيهم للمدارس دخلت امي غرفة العلاج ورب الكعبة واللي يرحم امي بقبرها ناظرتها وعطتها علاج ولا كشفت عليها ولا سألت ولا شيء وأمي كان معها انتفاخ ببطنها كأنها حامل ولا كشفت ولا شيء وربي انتظرناها فوق 12 ساعة ومدة العلاج دقيقة ناظرت وعطتني علب علاج قالت اعشاب تنشرب وزيت تدهن به قيمتهن كلهم 70 ريال
ومشينا من عندها ولا استفادت امي شيء ابد ابد ابد ابد خسارة روحتنا بس وجارتنا. راحت لها قبلنا ولا استفادت شيء بس ماكنا ندري انها رايحة بعدين قالت ولدها فيه شلل رباعي
هذي قصة معها ويشهد ربي ماكذبت بحرف بس ماأبيك تشوفين معاناتنا وابي منك تدعين لأمي بالرحمة
الصفحة الأخيرة
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..