ام وزوجه وربه بيت فاشله اسعفوني

هلا فيك حبيبتي
اول شيء ابدائي يومك من الصباح الباكر بورك لامتي في بكورها او كما قال صلى الله عليه وسلم وتوكلي على الله واطلبي منه العون وتذكري ان كل شيء تسوينه تؤجرين عليه باذن الله فاحتسبي كل شيء
اولا بقولك من خلال تجربتي وهي انه يكون معك سله فيه كل شيء المنظفات وفوط التمسيح
ويكون فيه سله قريبه منك للملابس الوسخه وابدئي بغرفه النوم رتبي السرير وحطي الملابس الوسخه في السله وامسحي اذا فيه شيء يحتاج التمسيح
روحي غرفه الاطفال اذا فيه ونفس الشيء والصاله رتبيها وحطي كل شيء مكانه وروحي بعد كذا الحمامات وانتي بكرامه وابدئي با الارضيه يكون معاك فيه سطل ماء وكلوركس وصابون
بعدين ما تغسلينه زينه اشطفيه وامسحي الماي ولا تبقين ولانقطه ماي بعد كذا الاسهل لك انك تاخذي المنظف الي اسمه 409 نظفي فيه المغاسل والمرايه والباب اخر شيء حطي ديتول في المرحاض والبالوعه والمغسله
الحين بعد ما رتبتي كل شيء ابدئي اكنسي اليت من غرفتك الى المدخل بخري البيت وعطريه وروحي نامي وقبل ما يجي زوجك بساعتين قومي سوي الغداء ونصيحه لك مني لو تستخدمي ملعقه شاي اغسليها على طول ولا تتعيجزين ابدا ولا توقفي خليك مثل النحله اطبخي وامسحي اذا الغساله في المطبخ حطي الغسيل بعد ما تخلصي الغداء خذي لك شاور ونعنشي تغدي وبعد الغداء على طول بدون تكاسل اغسلي المواعين وامسحي الفرن روحي ريحي او اجلسي مع زوجك وقبل النوم اهمممممممممممممممممممممممم شيء تنامي والمطبخ نظيف هو اهم شيء في البيت يكون دايم نظيف حتى لو البيت مكركب اهم شيء المطبخ ما تنامي الا هو زي الفل
واذا على الطبخ شوفي حبيبتي كل شيء صار جاهز حتى البصل مقطع وجاهز في السوبر ماركت خذي اشياء مثلجه مثل الفطاير والكبه والسبانخ ولملوخيه والخضار .............الخ ما عليك الا تقلينها او تسخنيها في الما يكرويف ما عاد فيه شيء يتعب
اذا جاك ضيوف تكوني مجهزه كل شيء قبل بيوم اسهل لك واريح وبعد ما يروحوا لا تتكاسلي واغسلي الصحون الي استخدمتيها واذا مره متعيجزه خذي لك وحده با اليوميه اذا جاك ضيوف تساعدك وتاكدي التكاسل يجيب الكسل والتنشط يجيب النشاط
كثره هذرتي بس هاذا الي حبيت افيدك فيه

صباح الخير
اختي المنهاويه

شوفي عيوني

اعتبرك مثل اختي واصبري علي وعلى كلامي


حبيبتي انت في بدايه الطريق الصحيح لأنك معترفه باخطائك اللي كلها تدور في محور واحد هو (الإهمااااااااااااااااااااااااااااااااااااااااااااال )
عزيزتي انت زوجه وأم يعني مسئوله مسئوليه كااااااامله امام الله سبحانه وتعالى عن زوجك واولادك
اشتغلي في بيتك نظفيه وخدمتك لزوجك تعتبر عبادة احتسبي الاجر عند الله

حبيبتي في البدايه ممكن يكون فيها شيء من الصعوبه عليك لكن بعد كذا عاادي لأنك بتتعودي لاتعتذري بتعودك على الخادمه كلنا تقريبا كنا في بيت اهلنا مخدومين لكن عند زوجك الوضع مختلف
حبيبتي صدقيني
زوجك طيب وحبوب والمفروض منك تكوني اطيب منه ولا تتوقعين انه بيكون كذا على طول ممكن جدا انه يتغير عليك لأنه راح يمل من الحاله اللي انتي فيها ومن البيت وبيدور على بيت ثاني يريحه

الشغله لاهي فيزياء ولا كيمياء مافيه اسهل منها
المهم لاتأجلين شيء ابدا من الآن ابدئي
شوفي كل الاعمال اللي عندك ابدئي بالغساله لأنها بتاحذ وقت على ماتنتهي تكوني انتهيتي من شغلك شغلي شريط اناشيد اسلاميه وراح تشوفين النشاط اللي انتي فيه كيف بيكون اكنسي البيت كله واقفلي المجالس بعد ماتبخريها اغسلي الحمامات
والمطبخ لاتتركين فيه اي شيء بدون تنظيف
بتتعبين الآن لكن اكيد بترتاحين وبتفرحين اذا شفتي جهدك كيف بيسعد زوجك واولادك
ومهم جدا












مهم جدا اختي الحبيبة انك تغيرين من اسلوبك مع زوجك
يعني مسألة انك تروحين بيت اهلك ابدا ماهي كويسه
واكيد انت كل شوي تاركه بيتك لأنك ماانتي قادره على تحمل المسئوليه مثل ما قلت لك انت ام وزوجه يعني راعيه في بيت زوجك ومسئوله عن رعيتك



اتركي المطاعم تماما واتعلمي تطبخي
اليوم بيكون وراك شغل كثير اعملي غداء سهل وبسيط

نصيحة مني
اذا كنت فعلا ودك تكوني افضل
اتركي التلفزيون ____لأنه اكبر مضيعه للوقت
ونظمي وقت نومك
واعرفي تماما يعني حطي في بالك ان زوجك له طاقه وحدود وبتنتهي لاتنتظري حتى يعمل اي شيء تنتدمين عليه بعد كذا بادري انتي وصححي اخطائك
انا متاكده انك قادره لكن حاولي



















هيا ايش جالسة تسوين
اتركي النت فورا
وقومي اذا ماافطرتي افطري ونظفي البيت معاك وقت طويل









ننتظرك
بعد ماتنتهين من اعمالك تخبرينا ايش سويتي





بالتوفيق حبيبتي
غيري من طريقتك معه في كل شيء في لبسك وهدي من صوتك

رجعت
بعد مالقيت هذا الرابط



الجدول اليومي للتنظيف

ننتظر المزيد

حبيبتي انا عن نفسي اسوي جدول من الصباح لين المساء من ناحية الترتيب
مع اني متعوده يوم انا بيت اهلي ماالمس شي لان عندنا شغالات
بس يوم تزوجت توقعت اني اطلع رفله وكسوله وبيتي مقرف لكن الحمدالله كل شي مرتب ونظيف
حبيبتي تري زوجك راح يزهق منك بعدين
انتي لاتفكرين الحين فكري للمستقبل
ماهو لدرجة انكم تدخلون هندي بيتكم ينظفه ممكن زوجك هو له قصد يوم يدخل الهندي
يمكن عشان تحسين
حبيبتي حاولي تغيرين حياتك
لاتزعلين من كلامي