اناإلي ارسلت قبل فتره اني وصلت مرحلة اليأس...

السلام عليكم ورحمة الله وبركاته.....

اخواتي الغاليات قبل فتره ارسلت مشاركه لي بعنوان وصلت الى مرحلة اليأس .بسبب تأخر الحمل ..وتفاعل معي كثير من الأخوات واشكرهم من قلبي جزيل الشكر وهناك من الأخوات راسلتني على الخاص ولم استطع الرد واعتذر منهم وفعلا كانت رسائلهم تنبع من قلوبهم الطيبه..

لااطيل عليكم وراح اقول شو صارلي .بعد معاناه من تأخر حملي والحاله اليأس الي وصلت لها ..غير الكلام الجارح إلي اسمعه من الزوج والعمه والاقارب ..الله يسامحهم .كل يوم افتح وهذه عادتي ابحث عن طريقه مجربه للحمل .ولاتركت شي ماجربته ..
ارى كل لليل ان بيدي مولود واصحى من النوم متفائله اني سااحمل ذلك الطفل حقيقة ..وكل يوم افسر لي رؤيا وتبشرني بالحمل ..واروح للمرخات...وكل شي سمعت فيه جربته تعرفون الي تبي نونو بتسوي المستحيل

رحت ابكي وقت ساعة استجابه وادعي الله انه بس اعرف سبب تأخير الحمل حتى ارتاح لانه الكل يقول مافي مشكله عندي تمنع الحمل ...
وحتى دكتورتي تقولي حرام تاخذي منشطات وانتي سليمه وماكان يصير حمل بس هي كانت ترحمني واعطتني ابر تفجيريه اشكثر مااكلت منشطات واستخدمت ابر تفجيريه ..واش كثر مارحت للمستشفيات..الحمدلله على كل حال

جاء يوم رحت احلل حمل لانه الدكتوره اعطتني منشط وابره تفجيريه ونزلت الدوره قلليله جدا ورحت اشوف اش السبب قالت يمكن اجهاض فرحت انا ان فيه اجهاض ههههههههه تدرون ليش لانه فيه امل احمل ...وطلع مافي حمل وقالت قولي لزوجك يعمل تحلليل مره ثانيه قلت لها يقول زوجي انه عمل تحاليل ويقول سليم قالت ربنا يستروقالت بتعطيني منشط بس تعمل سونار اول ..قلت لايادكتوره الشهر الجاي

وخرجت من عندها وانا كلي حزن ..رحت لزوجي بالسياره وهو معصب لانه زحمه عند الدكتوره وطول ينتظر قلت تقول الدكتوره اعمل تحليل ..صرخ وقال ماعندي شي ومالها دخل فيني

قلت له خلاص مابكمل عندها ذبحتني بالمنشطات بشوف لي دكتور طبعا كان رافض فكرة الدكتور لاكن انجبر ..
وبالفعل رحنا للدكتور وشرحت له معاناتي حسيت انه بغى يبكي معي من كثر ماشكيت .ههههههه...









ناظر بزوجي قال عملت تحليل قال ايوه وسليمه...قال كلكم يااثنين تعملون تحاليل وعملنا تحاليل شامله ورحنا له قال انتي ماعندك شي اماانت يقصد زوجي عندك مشكله كذا وكذا وكذا ومستحيل تنجب الا بأنابيب ...زوجي يظحك ويسوي نفسه ماانصدم ..ويقول عادي مايبي عيال ..
وانا الي راح عمري بالمستشفيات والتجريحات الي تقهر ..
انا حسيت بمشاعره لاني جربتها ..قلت له عادي حبيبي ليت مصايب الدنيا كلها كذا ..ماتعرف واش الخير فيه ..عسى ان تكرهو شيئا وهو خيرا لكم ...الحمدلله على كل حال ...
مازال لدي امل كبير اني راح احمل ..لان ربي كريم ومايرد من دعاه

بس خلاصة موضوعي الي احب اوصله لكم لاتذبحون انفسكم بالمنشطات الابعد ماتتأكدون من سلامة تحاليل ازواجكم


والشي الحلو في الموضوع ماعاد احد يزن على راس زوجي يقوله تزوج .....ههههههههه