اناالعروس اللي ابي الطلاق شوف خطيبة زوجي محتاجتكم نفسيتي مندمره وابي شوركم / تم الرد

السلام عليكم

انا نزلت لكم قبل فتره سالفتي وسالفة خطيبة زوجي السابقه اللي تصير بنت عمه

واني ابي الطلاق ..............الخ بقولكم الحين السالفه

طبعا يابنات هو الحين لها سنه وشهر او شهرين بالضبط تاركها

وهي مارجعت تدق وتراسله الا بعد عرسي بشهر تخيلو :icon33:

رغم قعدنا من فترة الملكه للعرس 7اشهر ولا تواصلت معه ابد

المهم هو من يوم تواصلت معه قام يقولي خواتي يقولون لازم اتزوج وحده تقعد جنب امي وتراعيه وانها تعبانه
...................الخ

ومسوي نفسه مايبي بس مافي غير هالحل لان حنا بالرياض وهي بديرتهم وعشان عمل زوجي صعب نكون هناك


وقال بتزوج وحده تكون جنبها وقعد يسوي انه افكر له بحل اكتشفت قبل اسبوعين وهو يكلم اخوه بالصدفه انه سوا هالحركه تمهيد لي وانه الف هالقصه عشان يبين لي انه مجبور :09:

المهم سويت نفسي ماعرفت ودايم تراسله على جواله وبعد موضوع باسبوع قعدت بطريقه غير مباشره ابين له

وهو حس وراح مسح المسجات وطنشها وقعد فتره مطنشه وهي مازالت تراسله .............الخ


المهم عمته عرفت وسمعت بخبر انه بيعرس وقامت وقفت معي الله يوفقها ويسعدها وهو انكر

وقبل اسبوعين جاء اخو البنت ويقولي هذا اخو فلانه وهو فرحان رحت لفيت وجهي وطنشت

وتفأجت انه رجع يراسلها ويقولها انا احبك بس تعبت من التفكير وعلي ديون وموضوع افتح بيت ثاني صعب

وانت عارفه المصاريف ومن هالكلام ولو جاك نصيبك لاتنتنظرين ولاني احبك ابيك تكوني مرتاحه

وهي تقوله انت ماتحبني وهو يقولها الا احبك قالت خلاص كلمني ابي اسمع صوتك

قال مااقدر لاسمعت صوتك انقهر واحزن خلينا كذا وهي تراسله وتدقدق

المهم زوجي قال لاخوه ماابيها والحين له فتره معفوس واحس رجع لها بس صار يمسح

لان قالي لاتقعدي تلعبي بجوالي

واليوم كان يكلم امه ويسألها جت وشافت البيت ويسألها بس بطريقه غير مباشره ومشغل الاغاني على اعلى شي عشان مااسمع زين ويقول هم الحين في بيت اختي فلانه انا بدق واشوفهم وش صار معهم

وزوجي مطنشني حتى متابعه مايوديني رغم اني تعبانه

وامس كان حفلة ملكة بنت عمته وكنت تعبانه لانه عزم اصحابه على المغرب المهم قام قالي اقعدي ساعه ونمشي قلت طيب

المهم وادق عليه طلع رايح مع اولاد عمته المهم قلت عارف اني تعبانه قال خلاص ساعه ونرجع وخلاني عندهم لين الصباح الساعه 8 والكل تعبان وفيهم نوم واضطرو يقعدون معي

المهم الساعه 7 انا سكرت جوالي

يوم جاء قلت بدري وزعلانه قام يقولي انه دقيت عليك الساعه 3ونص ولقيته مسكر ونمت قلت مو صحيح لان انا مسكرته الساعه 7 قال والله العظيم قلت لاتحلف كذب اذا زوجة ابن عمتك دقت على زوجها الساعه4وقالت ترى زوجك مع زوجي تطمني وسمعت صوتك كيف كنت نايم وافتح الجوال واوريه موجود بس الوقت اللي جاء اخذني فيه مافي الساعه 3وسكت وقام صرف راح نزلني للبيت وتركني وراح ومارجع غير المغرب:09:

ومسوي هو اللي زعلان ونايم بالمجلس ويقولي انا رجال واللي ابيه بسويه ومايهمني احد


الحين يابنات مقهووووووووووووره من اشياء كثيره واكثر شي بنت عمه وابوها الحيوان يقول انا ماعندي مانع

تصير الزوجه الثانيه وانا بتكفل بكل شي وزوجي يقول لاخوي انه تزوجني عشان يثبت لعمه انه رجال ويقدر يتزوج غير بنته


الحين من الصباح ابكي من القهر وش اسوي خلاص كل مره اعطيه فرصه واقول بيتعدل يرجع ثاني واحس بنت عمه للحين بقلبه واحسها ماراح تتركه لين يتزوجها


وصرت افكر بالطلاق بصوره جديه

لانه رافض كل شي قلت بس اهلي واحنا اتقفنا معاك قال امشيكم على هواكم تخيلو:09:


بنت ادري كلامي مخربط ومحيوس بس بجد تعبت من زوجي تعبت

جيته بكل الطرق مافي فايده هو انسان عنيد وصعب وفي دكتوره نفسيه قالت لي هالكلام


طبعا لاتجي وحده وتقولي اواجه على خيانته زوجي يلف ويدور ولو واجهته يركب راسه ويعاند اكثر وتكبر براسه

يعني ماينفع معه وحاولت بكل اسلوب بس ماش حتى هو يقولي ماني مقصره:09:

ومعترف انه هو اللي مقصر معي

وفي صفه سئيه بزوجي كذاب ويحلف بالله كذب والمشكله يزعل لو اقوله

ومره قلت له سالفه بس مو كلها ومره ثانيه كملتها قالي انت كذابه هذيك المره غير قلت انا ماكملتها لك

وزعل وقال لاتلمسيني ومادري وش قلت وانت وتحلف بالله كذب وش يسمى يقوم يرفع صوته ويقول وخري من وجهي لاضربك


دلوني يابنات احس من تزوجت ماتهنيت بتعاسه يوم عسل وعشر بصل


بنات رحت الحين اخذ جواله وهو نايم وشفته متصل على بنت عمه اللي هي خطيبته


بنات كلكم تقولون عادي يتزوجها هو يحبها تدرون شنو يحبها بس عمه كان رافض موقف لهم والحين خلاص وافق

زوجي مايعرف ربي مايصلي واغاني

ليش اقهر نفسي واقعده معه وهو عنيد هو يقولي انت عانس مافي وحده تقعد لل25 بدون زواج زوجي غشاش يعني الكلام اللي يقوله مو قده

استغربت من كلامكم انه اخليه عادي يتزوجها انا اخذني اثبت للعمه انه في الف بدل بنتك وانه رجال فقط هذا اللي اكتشفته قريب مع الاسف

ويابنات والله اني محتويته وكل شي يحبه اسويه يعني مو مقصره معه وهو معترف بهاالشي

بنات عشان توضح الصوره لكم شوفو مواضيعي

مو بس سبب رجوعه لبنت عمه اللي مخليني اطلب الطلاق او بالاصح خيانته لي

كثير اشياء

مايصلي واذا صلى يصلي يوم وعشر لا

خيانته لي

كذبه وحلفه بربه كذب وانه مايتشعر عظمة ربه


يوعد ويخلف ومايصدق بشي
اشياء كثيره يمكن هذي اهمها

بنات اهلي وخاصة بابا لما عرف انه يدخن يقولي اتركي البيت وتعالي اقعدي عندي خليه

والله لو يدري بكل هالامور بيطلقني منه


وش رايكم اقول لاهلي لان ماقلت لهم