اناا عروس حايره بتجهيزات العرس //تم الرد

اختي كل وحدة علا حسب يختلف مثلا المهر كم
هي بتكون ساكنه وين /هي بعيده عن اهل زوجه واهله
كيف جمعات اهل زوجه
الفساتين طبعا حق يوم الزواج ومن بكرا الصباحه اذا بتروح اهله من بيكون موجود مثلا امه لحالها او خواته او حريم العيال يختلف يعني لو الام فستان ناعم واذا خواته ناعم وفخم بنفس الوقت واذا حريم العيال يكون فيه نفش خفيف واذا عماته وخالته وحريم عيالهم واستراحه او قاعه هذا بيكون فخم ومنفوش
وفستان لبعد السفر وفستانين زياده ناعمين
ثم فساتين 6 او حسب زي لبس العيد يعني
وتايور منسق فخمات تنوره منفوشه ساده او مشجرات وبلوزه مناسبه مثلاً بقماش جوبير او يشبه له كذا
يعني فخمات 2تقريبا او اكثر
والباقي لبس مرتب قمصان وبلايز تنفع للمناسبات
العدد مانقدر نحدد علا حسب زي ماقلت فوق
فلوس وين بعيش وهل جمعات كثير هل حريم كبار خواته وكذا
قفطان او جلابيه 2فخمات وناعمات
وحطي تي شيرتات اسبور نوعي يعني مايمنع
طبعا الجزم الكعوب ذهبي وفضي علا حسب الفساتين
مع الملابس كعب مثلا اسود بيج فضي ذهبي ولون جملي ومايناسب لبسك
صندل 2مثلا شباشب علا حسب العدد شباشب طلعات فخمه
فلات /سبور /ورسمي /كعب صغير وعالي براحتك
عريض وسخيف اللي تحبين
طبعا الالوان علا حسب اللبس ونوعي الوان الاسود البيج من كل نوع اللي يناسب
شباشب البيت /
المكياج /حسب رغبتك الاساس 2 واحد منهم خفيف ومناسبات الثاني
الارواج 5الوان نوعي احمر حطي كرزي الي يناسبك طبعا واللي تحبينه حطي 2 زهر فوشي كذا
وشي بسيط للبيت
مرطب ونوعي قلوس مات والباقئ مثل ماتحبين
مقصات اظافر مزيل مكياج ومناكير
المناكير الوان احمر عنابي بيج شفاف والوان اللي تحبين ويناسب لبسك زهر وردي
فرشات للشعر
الاستشوار /سيراميك /فير /ان حصل استشوار 2
ملابس الداخليه حق يوم الزواج شفافه اذا بيبان
وشي للبيت وفساتين وكثري طبعا
قمصان النوم من نفس اليوم يكون زي الفستان وطويل
لونه علا حسب ابيض ممكن بيج او اصفر خفيف وفيه احد احمر او رغبته هو
ونوعي بالموديلات والانواع ورغبته اول الايام طوال نوعا ماء الباقي قصير طبعا علا حسب نوعي 30 حق شهر
واشتري بس مب غاليه مررره لا حرام بتنرمي
ارواب روب لك وطقم لك وله
مناشف ابيض 2و2لونين
لبس البيت نوعي فساتين قطنيه وماسكه وسترتش
وعاديه علا حسب رغباتكم تنانير قصيره 2 علا حسب
بناطيل جنز علا حسب اسود رمادي احمر وكل شي حسب مايحب اختاري الالوان والانواع
ليقنز ماسك طبعا الوان مشجر
تي شيرتات كم حفر وقصير وقصير كثير وشكلي والوان مثلا البنطلون يصير له كم لون
روحي اسواق عاديه يجي 20ريال وماتخرب لان لبس البيت يتجدد وينرمي
وممكن مايعجبه وانتي ماترتاحين فيهم
اختاري البناطيل مريحات واشكال وخامات مختلفه
وشورتات قطن جنز ساتان
وشورتات نوم ساتان ناعمه وبجامات نوم حرير نوعي الوان واشكال يعني نوعي قطنيات حراير وغيره للبيت
العبايات والطرحات والنقاب 2
الشربات السبور واللي للبيت نوعي وشكلي
الكريمات طبعا حق اليدين والشنطه صغير
وحسب رغبتك المجموعات 2للبيت 1فخمه للطلعات ان قدرتي 2 وخليهم اخر شي ممكن يجي هدايا
وكل مره اقول علا حسب ذوق الرجال يحب الورد الفواكه العود الباريسي
كريم لليد للرجول وادوات للرجول حجر وادوات بيديكير علا حسبرغبتك
مقشر للجسم والوجه يعني اشياء نظافه للجسم
العدد علاحسب
السبراي الكريستال كريم للشعر حمام زيت الشامبو والبلسم وبديل زيت
زيت اطفال يرطب حلو واسكنول مزيل مكياج ادوات نظافه شامبو جسم غير المجموعه
غسول وجه ومقشر وتونر علاحسب رغبتك
مزيل مناكير /
معجون غسول اسنان فرشات حلاو مصاص كرتونين حطيهم بعلبه بدرجك
الغسول المنطقه الحساسه البودره مسك مسك الطهاره ومناديل طهاره
مناديل رطبه تمسيح
بالشنطه اليد
مرايه صغيره بالحمام كبيره شوي /حلاوه او ماكينه اللي ترغبين
مقص ابره وخيط
مبخره
العطور معمول للبيت /بخورعادي ومناسبات /
دهن عود كمبودي هندي مخلط عرايس اللي ترغبين مسك
العطور اللي تحبين والعدد علاحسب
مثل دايور الطويل مو الدائري ودلوتشي اند غابانا الازرق
نراسيسسيو فلانتينو
وعطور عود فخمات يصير كامل مجموعه
وعطور للبيت خفيفه وعلاحسب رغبته وانتي
شموع فواحه عطور فواحه
معطرات مفارش/ ادراج اكسسواراتك وعلب لهم للبكل
ربطات شعر شباصات وو بنس اشكال والوان واكسسوار شعر للفساتين اطواق وبنس لماعه
بنس قطن معطر للدولاب مكعبات مسك ابشريه وحطيه في الدواليب بااكياس زي حقات العيد مجخره صغيره
معاليق ملابس
الشنط كبيره وصغيره او مجموعه حقت السفر او علا حسب عاداتكم اذا اهل زوجك يشفونهم او لا
اذا محد بيشوف حطيهم بالي تجي بلاستك حرام فلوس للشنط من دون فايده اهم شي للسفر كبيره ووسط له
الشناط نوعي مع الفساتين لاتكثرين وشي يمشي مع كل شي كبيره صغيره وسط وحده السفر
الذهب علاحسب
الساعات علا حسب مناسب للفساتين واللبس العادي ووحدخ للبيت
الاكسسوار بعد علا حسب الحلق الخواتم الااساور
وطبعا عطور وخمريات للشعر
واشتري بودره جسم ومزيل عرق
ومجموعه رجاليه واذا ممكن بجامه له او لبس لكم زي بعض لون
اذا تحبين مكياج جسم او معطر لماع
مناديل جيب سجاده مصحف
مثل ماقلت علا حسب كل وحده وذوقه وذوق الزوج

والله يوفقك يارب
وقسمي الفلوس وخبي معك لو الف حطيهم بظروف بحيث ماتتجاوزين الرقم
ولاتستعجلين بيجيك هدايا وو واشتري اللي عملي وتستفيدين منه

وطبعا اهم شي تكونين زوجه تفهم شخصيته واقري عن الرجل ودورك كازوجه واسرار بيتك ماتتعداه الا للضاروررره اللي فعلا تحتاج احد ومن ام اب اخ كبير
اما صديقات بنات قرايب فلا مهما يكون
وماعليك من اي كلام ينقال وماتطبقين كل ماينقال لك
كل وحده وشخصيت زوجه غير حتى اهلك احسن ماتقولين عنه شي بينمسك
وزوجك علاقتكم احترام واسرار البيت ماتطلع ومايقول الكلام لااهله وحطي تحت اهلك واهله خط احمر ماتتكلمين عنهم ولا عن اهلك اسرارهم مشاكلهم العلاقه برسميه وسط زوجك عوديه علا ماتحبين وطبعا راعي ظروف زوجك المااااديه ولاتقارنين نفسك بااحد ابدا حموات اخوات سلايف قرايب كلن وقده وظروفه
تعودي ترتبين وقتك وبيتك ونفسك تعودي كل فتره اهتمام بالنفس بمشغل او اذا ممكن مصروف شهري
عامليه كانك امه وزوجته صديقه اخته طفل
الصوت مايرتفع من الطرفين /مو كل الحياه مطاعم وطلعات ومشتريات /خصصي يوم بالاسبوع طلعه خاصه
عوديه علا اغراض البيت يجيبهم والسوق مشاوير يوديك هو مو اهلك
تعودي علا ترتيب ملابسه عطريهم الكوي الغسيل جاهز
الطبخ وقت الصلاه عوديه يقوم مايتكاسل الدوام نظافته الشخصيه الرائحه الااظافر اسنان الجزم
يتعود علا الاستحمام عوديه اطباع حلوه الهدايا بالمعقول
الحلا وو طلعه مع اهله مره وانتي خاصه يعني اللي اشوف وقت الملكه كله حب ورومانسيات ووعود علا فراغ وبالبيت شي ثاني لا تكلمي معه بالجديات اولا ثم الي بعده عوديه يتكلم بكلام حلو
خصصي وقت للصلاه قران ادعيه اذكار صدقه طبخ
ويتعود مثلا لو تعبانه مافيه طبخ وقت الدوره اللي تتعبين فيه لو ثاني يوم اصعب علا حسبك انتي ووجبه مره بالااسبوع من برا
مايطلع من البيت يوميا سهر اخر الليل
اهله يشوف طلباتهم يوميا لاتتكلمين عنهم بسوء ابدا
خلك دلعوه بسنع سريعه ذكيه اعرفي كيف تكسبينه ويكسبك بعد والرجال مايحبون الي دئما تطلب وتطلع وتزن وطبعاااا الصراحه مهمه والوسط بكل شي العناد
وطبعا بوقت المشاكل الله لايقدر ماتتعدا ساعه ولاتردين ابدااااا بعدين تكلمي باللي ضايقك
وابتعدي عن الااغاني والقنوات من بيتكم وابحثي عن مواعظ ومحاضرات دينية ومتنوعة عن الحياه الزوجيه

قالو لك كل شي الله يجزاهم خير
بس بقول لك نقطه اذا كُنتُم حقين طلعات وزيارات. كثري لَبْس الطلعات واذا كنتو مو كثير طلعاتكم. ركزي تشتري كثير لَبْس بيت.
جهاز البنت عادة
ذهب /اذا ماكنتي تحبي الذهب اشتري اكسسوارات وانصحك. تشتري ذهب لانه حلو وموضة كل وقت مثلا طقم خفيف /أسواره /سلسال
اكسسوارات مثل أساور ملونه حلق ملون مع لَبْس البيت
ساعتين مثلا وحده فخمه ماركه ذهبيه أستيل او جلد /وحده عاديه عمليه من سواتش مثلا او اي ماركه
الملابس ::::قمصان النوم خذي من نعومي مثلا او اي ماركه حق ليلة الزواج يكون ناعم وطويل وساتر خذي حرير ابيض او سكري او زهر
قمصان نوم طويله مثلا خمسه. شورتات نوم تجي طقم خمسه /قمصان نوم قصيره برضه خمسه /بجامات حرير /او قطنيات للنوم /ثلاقيها في أماكن رخيصه زي سنتر بوينت او ماكس او رتاغ هذا بالنسبه للانجري ولبس النوم
بجامات بيت وقمصان بيت شورتات بيت اشتري ألوان مختلفه قطن او حرير انتي وذوقك. واللي يناسب جسمك
ملابس // مثلا فساتين قصيره حددي عدد معين ///طويله عدد معين /بناطيل طويله جنز وشورتات جنز عدد معين. او اي خامه حلوه على جسمك.
بلايز كم طويل /تي شرتات كم قصير /وبدون أكمام
نوعي بالملابس وحاولي ماتكثرين من كل شي خذي عدد يناسبك
شنط وحده كبيره.
وحده وسط
وحده صغيره
خذي اسود بيج ذهبي فضي حسب ألون اللي تحبيه
جزم /فلات /كعب / شباشب بيت
عبايت اذا كنتي تلبسين عبايه. وحده عمليه وحده وسط وحده فخمه تكفي كذا
مكياج آخذي الأساسيات.
كريم اساس فخم حق مناسبات ماركة فور ايفر او ماك
وعادي من ماكس فاكثر آخذي على درجة لون بشرتك
آخذي حمرة خدود : زهر /خوخي/اقل شي ثنين او الألوان المناسبه لك
خذي كحل داخلي وكحل سايل اذا تعرفي تستعمليه. اذا فلوسك تكفي خذي من الماركات الحلوه زي ماك/ فور ايفر /لانكوم /جيفنشي
اذا تبين ماركات حلوه ورخيصة خذي/برجوا /ذَا بالم /ماكس فكتور
ارواج /كايلي /ذا بودّي شوب
خذي لمعه. من ذَا بالم حلوه
مسكره
مجموعة حواجب
خذي مجموعتين استحمام او ثلاث
تجي ( لوشن /شور جل/مزيل عرق
من ذَا بودّي شوب او زهور الريف او نكتار او ايف روشيه اي ماركه تبيها
خذي عطور فخمه ثنين او ثلاثه

خذي بخور من عبدالصمد القرشي او العربيه للعود
بخور للعرائس وعود عادي
خذي اكسسوارات بيت. شموع وفواحات. بروائح حلوه
معطرات غرف وسرير ودواليب عند محلات نكتار وَذَا بودّي شوب
وسنتر بوينت ورد تاغ ....الخ هاذي المحلات
غسول من الصيدلية للمنطقة الحساسه
مسك الطهاره للمنطقة الداخليه من عبدالصمد القرشي
بس هذا اللي اذكره 😂
من كثر ماجهزت للبنات خبره
دعواتك لي
واذا احتجتي تسالي عن شي ارسلي لي وانا أجاوبك
والله يوفقك ويتمم لك
واهم شي القناعه والرضا وعدم إرهاق الزوج
الحياه مشاركه وتعاون
ولاتنسي ذكر الله في كل خطوه
وتصدقي من مهرك حسب إمكانياتك
علشان الله يبارك لك