اناا مثل الهره التي لا أطعمتها ولاهي تركتها تأكل من خشاش الارض 😢

السلام عليكم ورحمه الله ..ااخباركم اخواتي في الله يارب تكونوا طيبين ..ااااه يارب رحمتك ارجوا ياارب ..بنات انا معتبرتكم زي اخواتي ابغاكم تنصحوني ووالله العظيم مادري وش الحل بوضعي مع زوجي ..
اناكتبت قصتي قبل هنا بالمنتدى انا موظفه بعيد وشارطين بالعقد الوظيفه مايمنعني :زوجي مهملنا وعيالي اخررر درجه على اساس انتي ببيتي اهتم فيكم واصرف اما وانتم بعيدين بكيفكم دبروا انفسكم....يابنات انا شايله كللل شئ مصروف واجار ومدارس ماعاد يبقى من راتبي الا القليل ..يابنات لو احتاج زوجي واقول تعال نبيك بشئ يقول عندي شغل وكذا مرا بغربتي احتاجه باشياء قويه مستكثر علينا يعني ممكن يججي اذا سمع ان فيه موت بس !!وعياله يحزنون يتعذر بالشغل ويهملنا صبرت عالنفقه واصبر عالهجر يهجرني شهور عشان اذا قلت الحق او طلبت حق لي ولعيالي يبغى اتصل واقول حقك علي؟!!
يابنات كثير يهجرني بالشهور وماهمه واذا انتقده بشئ صدق ياويلي والحين لما شهرين مايجي ولا يرفع السماعه متكبر علي وعلى العيال على اساس زعلان مني لاني قلت تعال يوم (تكفى )!!محتاجه اغراض وانا لوحدي قعد يماطل وقعد يتعذر وطيب وبعد فتره قرفت قلت حنا زي الايتام ولاتهتم بالعيال وانت خلاص براحتك مانبي منك شئ وانا باقوم بالواجب /بجججد طفشت منه وزعللللل ..يابنات هذا طبعه كذا بعدها يهجرني انا الحين سؤال / صبري عليه هو الصح ولا قاعده اضيع عمري معاه بعدم مسؤليته؟؟؟ ..فكرت بالاجازه الاسبوع الجاي ارسل العيال ولد وبنت لعمتي اامه ااقطهم عليه يتحمل مسؤليتهم مدام مايبي يشوفني وجهي ! واحط رجل على رجل زيه •••/قلبي بيتقطع اكيد بس العاطفه ماتنفع ماقصرت معاه يابنات صبرررت ولاجاب نتيجه بس اخاف اندم لو ارسلتهم ويكبر الوضع ويحرمني منهم واكون خسرت كل شئ لانه مره ماهمه احد ولاعليه وطز بالكلل همه نفسه اناني 😢 ومو من النوع اللي يحن ويرجع قاسي كاننا اعداء ..وخاصه لو كبرتها بنات الله يسعدكم هذي ثالث مره يتركنا بالشهور ويتكبر يسال عني وعن عياله اساس راضوني وانا ماغلطت قسم اني احس زي ( الهره التي لا أطعمها ولا هي تركها تأكل من خشاش الارض ) لا متزوجه ولا ني مطلقه ..يارب رحمتك ارجو........