اناا واخوي وزوجته الثانيه

الأسرة والمجتمع

هذا اللله يسلمكم اخوي الكبير متزوج وعندة عيال له تقريبا من 18 سنه وزوجته مره طيبه وبنت ناس و الكل يحبها وقبل سنه تقريبا فاجئنا انه يبي يتزوج على زوجته بس الجميع اعترض وبما فيهم امي وابوي واحنا اخواته بس هو اصر وقال دورو لي عروووس واحنا رفضنا قلنا بكيفك مانقدر احنا نحب زوجتك ام فلان وسعينا لزواجها منك وانتهى دورنا روح دور لحالك بس قلنا يمكن يغير رايه بس مافيه فايده الرجال اذا حط في راسه الزواج بيتزوج ولا فكر في احد المهم جلس سنه وهوه من خطابه في الثانيه لحد مالقيله وحدة تناسبه قبل فتره وطلب منا نروح نشوفها ونقابل اهلها ورفضنا كلنا وراح شافها وملك عليها قبل تقريبا خمس شهور وقلنا حط في بالك زواج خله عائلي ماراح نحضر....... طيب وش السالفه الحين اهل البنت اللي خطبها ناشبين له الا تجيب احد من اهلك لازوم نتعرف عليهم قبل الزواج وامي واختي حلفوا مايروحون ولا يمشون في هالزواجه طيب وانا بسافر عند اهلي بكره ومتأكده انه بيصر عليه اروح عندهم فابي رايكم اروح لأني حسبتها قلت بعد هي بتصير وحدة منا واخويه ماجابها من الشارع بنت ناس ومتئملين فيها خير بس اخاف زوجته الاولى تزعل مني وانا والله مقدرة موقفها بس في تفس الوقت يبقون الثنتين بنات الناس واخوي هو اللي من لحمي ودمي يمكن تحدني الايام عليه وما يوقف معي لان كل مارفضنا شي في زواجه قال انا اخوكم واحتجتكم ولا لقيتكم ومصيركم تحتاجوني وماراح تلقوني
بنات بالله عليكم لو كنتم مكاني هل بتروحين تزورين زوجت اخوك الثانيه اختي قالت روحي بدون ماتدري الاولى قلت لا شغل الدسدسه ماحبه بس قلت باقول لخوي اذا رضت ام فلان رحت هههههاه وش رايكم بالله حطو نفوسكم مكاني واللي تشوف اني مكبره الموضوع ترى ماتعرف وشلون لما تكون زوجتك اخوك مثل اختك ويمكن اكثر
واسفه على الأطاااااله
151
14K

يلزم عليك تسجيل الدخول أولًا لكتابة تعليق.

تسجيل دخول

ضحكه 2012
ضحكه 2012
انا مثل زوجه اخوك
ولما زوجي طلب من اخواته الحضور
من جد حزت في خاطري وقلت في نفسي اللي حتحضر معاه
خلاص باخلي علاقتي فيها رسميه
واخوات زوجي مع كثر اصرار اخواهم الا انهم رفضوا حتى الكلام في هالموضوع

وبعدين بعد ما انا تعرفت عليها هم بعدين تعرفوا عليها


تري حتى الناس تسالني اخواته بيشوفونها قلت لا
يقولون اكيد بعد كل الطيب اللي جاء منك ما بيوقفون مع اخوهم عليك

وكل ما كانت علاقتكم بزوجة اخوكم الاولى قويه كل ما حيزيد زعلها وصدمتها فيكم

انا اعطيتك رايي من ناحية شعور الزوجه الاولى

وفي الاول والاخير اخوك ما سوى الا اللي الله اباحه له
ابتسام بنت تميم
شوفي اناراح احط نفسي في مكانك راح اروح
حتى لو كانت زوجة اخوي الاولى طيبه .. مالها حق انها تزعل
طالما اخوي معطيها الاحترام والتقدير.. واللي الان خطبها اخوك
راح تصير منكم وفيكم ويمكن في المستقبل تجيب ابناء والابناء
هذولا ابنائكم لا تقوليلي انو مارح تشوفونهم بعد .. توكلي ع الله
وروحي ،. وزوجة اخوك الاولى اذا زعلت سايريها ب الكلام الطيب
مع اني اشوف زعلها ماله مبرر ~ الناس حره في علاقاتها الاجتماعيه
وما اظن انك تقدرين وتغلين زوجة اخوك اكثر من اخوك
وب التوفيق ان شاءالله ..
غدوووري
غدوووري
لا ما اروح

لاكن لا تصادمينه

كل يوم شوفي لك صرفه
ناعمة الشمرى
ناعمة الشمرى
انتى قولى لزوجه اخوك وبينى له موقفك منها ومن زواجه الثانى وانك مو موافقه بس غصبن عنك وشوفى وش تقولك
بنت الفنطاس
بنت الفنطاس
للرفـــــــــــــــــ‘‘‘ـــــــــــع