اناا وحالتي المزاجيه

يسعد ايامكم بكل خير
كيفكم جميعاا
حبيت اطرح مشكلتي ويارب القى حلول او توضيح لحالتي
في البدايه انا متزوجه وعنري ٢٩عندي ولدين مهتمه فيهم جدا ومهتمه في الطبخ يعني مافي اكل من برا الا نادرا ومهتمه بالبيت يلق نظافه وريحة البخور توصل للجيران ودايم يقولون نعرف انك في البيت بريحة بخور ومرتبه جدااا في بيتي ماحب الوساخه ابد جننت عيالي بالنظافه الى ان صاروا مثلي مايبغون نقطه وسخ بملابسهم حتى الجزم الله يكرمكم مرتبه عند الباب بشكل كانك في عسكريه ههه مو هنا المشكله
المشكله اني ماحب استقبل ضيوف كثير ودايم احس اتعب مع الطبخ وكل شي يكون مثالي انا احب المثاليه مو عشان ارضي الناس لااا عشان ارضي نفسي واروق لان ماااكل وبيتي وسخ
ولو جاني احد ينقلب بيتي قرف واتعب واصدع شايله هم التنظيف العميق ويدخلو بجزمهم وفرشي نظييبف وفاتح
وغير كذا مااحب اروح عزايم كثير احس لاسولفت واجد اتعب ويجيني ارق واقعد افكر بكلامي وليتني ماقلت كذا
احب قعدت البيت جربت شهر قطعت التواصل تحسنت نفسيتي ميه بالميه ورايقه واحس يومي منظم
وزعلووا اني سحبت عليهم بس وش اسوي ماالقى راحتي بجمعتهم بالعكس ارجع متظايقه
شكيت لاخواتي قالوا اطلعي لاتطاوعين نفسك لاتصير انطوائيه ومن هالكلام
جربت اعزم مثلا وحده نفس الشي احس لاجات عندي انتظر روحتها واقعد افكرر ياربي متى اخلص شغلي وانوم عيالي يمكن لان عيالي لاجانا احد او طلعت لاحد يتعبوووني صياح ومضاربات ومايهتموا بالتظافه وواحد يبكي واحد يحوس فهل تتوقعون هالشي ولا عشان انا انطوائيه فعلا ولا مدري
حتى احيانا الاكل اتعشى لاخلصت شغلي ونومت عيالي ورقد زوجي احس صرت احب الوحده
كلامي يمكن ملخبط بس يارب تكونو فهمتوني المهم ان هالحاله جتني من يوم حملي بولدي الثاني يعني من سنتين الى الان
وشكرا من القلب لك