انابيتي مونضيف وكسوله تكفن انصحني وحمسني ولكن دعوه

اعشق.مملكتي :

هههههههه حلوة رز مصري صراحة تشبية حلو أختي انا زيك عيالي الله يهديهم ويصلحهم  ويهدي لك عيالك ويصلحهم  من ساعة مايصحو الا وقت النوم وهم شغالين تخريب  بس انتي اصبري على نفسك شوي صح ان الي زيك تكون مره تعبانه الله بقومك بالسلامة  بس شويه شغل تفيدك في حملك  اول شئ إذا صحيتي الصبح رتبي غرف النوم وقفليها بالمفتاح وعلقيه على الباب علشان أطفالك مايعبثون بكل شئ  الملابس غسليها اول بأول أو اشتري غسالة تومتيك مره مريحة  المكان الي تجلسوا فيه شيلي كل شئ ممكن يعبثون فيه عيالك زي تحف أو أشجار  وحاولي تغطي الكنبات علشان ماتتوسخ  شيلي الألوان والأقلام لا تخليها معاهم لان الأطفال  يحبون يبدعون على الجدران  لا تعطينهم الأكل في كل وقت خلي له وقت مخصص وخليهم يأكلوا في المطبخ  وبسرعة بدون لا كلام ولا لعب  وخلي كل وجباتكم في المطبخ والله أريح حطي فرشة كبيرة تأكلوا عليها وإذا بيجيك ضيوف شيليها حتى السراميك مايتوسخ  الحمام الله يكرمك جيبي علبة كمفورت الكبيرة وعبيها ماء مع صابون تأيد وكلوركس كل يوم في الصباح غسليه بشوي منها وغطي العلبة كويس لا يشربونه أطفالك  المواعين حطي طاسة كبيرة بلاستيك في المجلى وعبيها ماء وشوي فيري وكم نقطة كلوركس  ومن اول ماتشيلي مواعين الأكل حطيها فيها على بال ماتخلصي لف السفرة وتكنسي بسرعة مكان الأكل تكون المواعين خلاص سهلة في التنظيف تغسليها بسرعة  واهم شئ تغسلين ايديهم بعد الأكل على طول علشان مايمسكوا الأبواب والجدران ويعدموها  المهم انتي إذا حسيتي نفسك نشيطة استغلي نشاطك وسوي اكبر قدر من الشغل زي تمسيح الجداران والأبواب والافياش  ودائم اشغليهم لو تعطي كل واحد منشفة صغيرة وتكوني حطيتي فيها شوي كمفروت وماء وخليهم يمسحوا منها ينشغلوا ويعني أحيان يبدعون في التنظيف  أتذكر أعطيت ولدي منشفة يمسح معاي وكان يمسح بأمانة لدرجة كان في صندوق خشب للسجاجيد وماشاء الله مسحه من فوق ومن الجوانب وفي الأخير قلب الصندوق وصار يمسحه حتى من تحت ههههه  والله يكون في عوننا  حاولي يكون عندك جدول ووقت للشغل وذا أبوهم موجود تأخذي نص ساعة راحة في غرفة النوم  والله يكتب لنا الأجر  اامييييين

هههههههه حلوة رز مصري صراحة تشبية حلو أختي انا زيك عيالي الله يهديهم ويصلحهم  ويهدي لك عيالك...