غالياتي00عضوات عالم حواء 0
سأكمل معكن اليوم الجزء الثاني من اناقة الزوجه الذكيه 00
الآن وقد أصبحتي انيقه خذي في راحة يدك عطرك المفضل والذي يفضله زوجك وبعدين روحي حطي عليه موية ورد بارده وجففي يدك على خفيف 0 ولاتنسي تفرشي أسنانك واشربي عالريق كاس مويه دافيه وحطي عليها ملعقه عسل وملعقه زيت زيتون مفيد للمعده غير أنه يخلي وجهك كله حيويه وأشراق، وأ حرصي أن يكون عندك باستمرار علك بالنعناع من الصيدليه خالي من السكر خذي لك وحده في فمك عشان لما تصحيه تكوني نظيفه ورائحتك منعشه من جوى وبرى 0وقربي من زوجك وحاولي تصحيه بنعومه ودلع وصوت خااااااافت ورومانسي وألعبي بشعره وأنتي تصحيه عشان يتعود على ريحتك المميزه كل صبح ولما تغيبي يفقدها وأكيد لما يحسك ويشم ريحتك الحلوه وأنفاسك المنعشه راح يصحى فورا أبتسمي في وجهه ابتسامه خفيفه أفتحي نفسه 0 وعلى بال مايتوضأ للصلاه انتي أنتظريه بالمنشفه عشان يحس بأهتمامك ويعتاد عليه وخليك معاه وهو يتاهب ويلبس للصلاه مع تقديم بعض المساعدات الخفيفه ذكريه وهو رايح للصلا وأنتي تودعيه بحديث الرسول عليه الصلاة والسلام :( بشر المشائين بالظلم بالنور التام يوم القيامه) فيما معنى الحديث 000 وأرفقي وداعك له بدعوه طيبه 0 مثل أن تقولي له :الله ينور قلبك بطاعته ويفرج همك ويوسع رزقك 00000 أو أي دعوه تحبي تقوليها لك فلك الخيار00000 !!!!!!!
فالدعوه الطيبه للزوج لها أثر طيب في نفسه0
بعد خروجه للصلاه : روحي بسرعه عالسرير ونظميه وافتحي الشباك ، وافتحي باب غرفة النوم ، حطي قهوتك عالغاز ، وولعي عالفحم عالغاز، وبعدين روحي صلي ، خلصتي صلاه 00 بخري البيت وافضل يكون بعوده حتى تكون الريحه خفيفه لأن الزوج غالبا يرجع ينام0 جهزي القهوه والتمر في صحن ومعاها كاس حليب سريع ، وشيكي على نظافة مكان أستقباله ، لاتقولي كل هذا 000؟؟؟ مافيه وقت الزوجه الذكيه تقدر بحركه سريعه تخلص قبل يجي زوجها00!! شيكي على نفسك بنظره أخيره وأجلسي قولي الأذكار وأقري في القران حتى يرجع من المسجد0
بعد مايرجع من الصلاه: أفتحي له الباب بنفسك وأستقبليه بحراره ، وقولي:الله يشرح صدرك بالصلاه ويغفر ذنبك يارب 000 ؟؟ طبعا بتكون ريحة القهوه والعوده في البيت تفتح النفس0 وبعد القهوه والحليب ،أذا فيه وقت وغالبا يكون فيه وقت انه يرجع يريح شوي0 أنتي روحي غرفة اولادك فورا حصنيهم وهم نايمين وعالمطبخ جهزي الفطور ، وجهزي ملابس عمله كلها عشان تكون قريبه منه يايجلس يدور وين؟ ووين00000؟؟؟؟
وفتحي الشبابيك في البيت وروحي صحيه وغالبا الكثيرين دوامهم عالساعه 6 افطري معاه وخليك معه لين يلبس ويروح العمل ولاتنسي تودعيه بكلمات رومانسيه ونصيحه مثل:أنتبه لاتسرع ياقلبي ، الله يوفقك ويخليك لنا يارب ولايحرمنا منك ، والله انك تتعب عشان راحتنا الله لايحرمك الأجر ***** الله0000؟؟؟:26:
بعد مايروح العمل:لاترجعي تنامي وأحذري الكسل فالرسول صلى الله عليه وسلم يقول :(بورك لامتي في بكورها)أو فيما معنى الحديث00 روحي خذي شاور سريع جدا منه تصحصحي ومنه ترطبي جسمك وشعرك وأذا خلصتي وأنتي في الحمام زيتي شعرك بزيت دابر املا أو أي زيت ترتاحي معاه وحاولي الزيت يوصل لجميع اطراف الشعر ودلكي به فروة الراس لمدة عشر دقائق وبعدين أفتحي المويه البارده واشطفيه بشكل سريع لاتنظفيه بس رش خفيف ، وبعديين أطلعي من تحت المويه وأمشطيه بالراحه يتوزع الزيت في جميع الشعر وغطيه بالقبعه البلاستيك الخاصه بالشعر تلاقيها في الصيدليات 0 خلصتي من شعرك ألحين اغسلي وجهك بالغسول أو الصابونه اللي ترتاحي معها وزيتي وجهك وجسمك بزيت اللوز الحلو ألبسي لبس قديم عندك وخصصيه لتزييت الجسم ، وأسالي الله العون وأبدئي بتنظيف البيت من فوق لتحت وماراح أفرض عليك مكان تبدئي فيه ولكن أفضل تبدئي من الأصعب عشان ترتاحي ، على سبيل المثال:أبدئي بالمطبخ ولاتنسي تطلعي لحم للغداء يذوب من الثلج براحته بدون مويه ليكون صحي ، وبعدين الحمامات ثم قسم الرجال وبعدين مكان أستقبال الحريم وكأنك تتأهبي لأستقبال الضيوف ، وخلي الصاله وغرفة النوم آخرشي 0 وكملي بقية التنظيف أهم شي ماتجي الساعه 10 ألا انتي خالصه من التنظيف0 خلصتي روحي خذي لك شاور عميق ونظيف ماهو زي اللي قبله لأن اللي قبله لفتح المسامات عشان يستفيد جسمك من الزيوت أما هذا للنظاااافه0 وخصصي لك سله للأستحمام وضعي فيها مايلي:شامبو الفيف من لوريال النوعيه اللي تناسبك لأنه أنواع (وفضيه في أناء بلاستيك وأضيفي له بيضه وملعقتين عسل كبار وأخلطيها لين تتجانس ورجعيه في علبته ليكون جاهز للأستخدام) طبعا ميزته يكثف الشعر وينعمه ويوقف التساقط بأذن الله0
وزيت جونسون للأطفال
وليفه مغربيه ( دخلي فيها صابونة البابايا بعد ماتبشريها 
عشان تكون جاهزه للأستخدام وممكن تدخلي الصابونه فيها بدون ماتبشريها أنتي بالخيار كلا الطريقتين مجديه0
وملح البابايا للتقشير 
ومقشريومي للبشره من كلين آند كلير 
وألحين تعبت:09:لكن لازال هناك بقيه تااااااابعوني في الجزء الثالث0
أعتذر منكم اخواتي على تأخر الجزء الثاني ولكن أخر علمي أن موضوعي في الجزء الأول تم حذفه لأني ماعرفت أظلل الصور وتفاجأت وفرحت لما لقيته :icon28: وفورا كتبت لكن الجزء الثاني 0 وتأكدن أن تأخري لم يكن مماطله مني أبدا0