الغاليه ماتت رحمها الله رحمه واسعه وادخالها الفردوس الاعلى من الجنه وجمعنا برحمته بها
بعد مرض جلطه دماغيه سنه كامله في العنايه المركزه
اكتب سطوري بالدموعي يايمه
هذي قصيده الى كل من فارق وفقد أعز انسانه الى قلبه.....
الأمالقلب يحزن والمدامع غزيره في جوفي ناراً من لهبها تباكيت
والدارظلما كانت أمي تنيره يايمه وينك من دونك خلا البيت
قلبي تفطرعلى الفرقاءالمريره أمنت بالله وباأقداره ترضيت
الموت حقٍ وكلن له مصيره وبموت النبي قبلك يايمه تعزيت
هذاجلالك وريحك في عبيره كل يوم أشمه ولاشفته تغنيت
صوتك يايمه يامحلا أثيره حنانك يمه يخليني تدفيت
يايمه منهوأجيله وأستشيره يعدلني لاشفت الصواب وتلحيت
يايمه كلن يناظرني بحيره من يوم رحتي وأنا اللي ماتواسيت
ياكم اتعلم من معاني غزيره يامنهل التعليم منك تربيت
كم قصةٍ قلتي وللماضي نسيره ولاجيت عندك بسواليفك تسليت
اااه يايمه لنظراتي الإخيره مليت كفي تراباً ثم حتيت
أبشري يمه بدعواةٍ كثيره كل ماذكرتك وللرحمن صليت
تعبوا الدكاتره وهم يقول اعتبروها ماتت وانا رافضه كنت دائماًاحس فيها مهتمه وهي تسمعني احس انها بتخرج معي
لالاوالله خرجت على القبر بعد دخولها للغسيل في بيتها لخمس ساعات فقط لاغير
ثم طلعنا للصلاة عليها بمكه في الفجر
يارب اجعل ماصابك تكفير لكل زلت لسان وغلطه من انسان اوعليه
وربي يابنات مني عارفه ايش اكتب اعذروني إن في غلط في اي كلمه
هي كانت مفقوده بس نحس فيها كل يوم اروح يمها واحاكيها بكل شئ فيني وهي بالغيبوبه ولاكن كانت يمي
احكيلها واشكيلها يارب يجعلك في الفردوس الاعلى من الجنه
والله كل ماشوف ابوي احزن وامرض لانه ينادينا كثير مرات باسمها الله يرحم حالك يابوي ويختر لك خيرته الطيبه
ولاكن صبرنا وأُنسى بهذه الايه لاحرمنى الله رحمته ورضاه
{وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ
الله يسامحكم ماتسألون عني وربي وحشتوني حيل حيل ربي يجعلنا برحمته في الفردوس الاعلى من الجنه وانتم ومن تحبون
والله يصبركم على ما اصابكم