انانية الاهل تظيع العيال..

السلام عليكم ورحمة الله وبركاته

كيف حالكم ****لله دوم بخير
حابه انقلكم اللي صار مع ولدي يمكن فيكم اللي تقدر تساعد زميله بالمدرسه
ولدي بخامس ابتدائي والحمد لله
اول السنه قالي ان صديقه خالد يقول ابوه طلق امه لانه تزوج ثانيه وهو عايش مع ابوه:44:
طبعا انا فهمته انه مايصير الواحد يتكلم بخصوصيات البيت حتى مع اصدقائه
وبما انهم يحبون بعظ واصدقاء فهمته انه يقوله عادي وانهم ماتفاهمو وكلام يصبر الولد
لاكن من فتره وولدي كل ماجبت سيرته يقول مابيه ببطل صداقته صار كسلان
والاساتذه بس يخانقونه ويغيب كثير وحتى شكله يقول ريحته شينه ويجي بملابسه اسبوعين مايغيرهن
بس امس جاوهو متظايق :mad:
سئلته يقول ان خالد دايم يتكلم عن صديقه محمد وانه يخليه يسوق
ويجيبله هدايا انا تفاجئت من كلامه قال واليوم يوم طلعنا جاواحد بسياره وقالي خالد ان هاذا صديقه
محمد وانهم بيتمشون والعصر يودين البيت لان محد بالبيت ابوي مسافر وزوجته عند اهله
ومافيه الا الشغاله بالبيت تخيلو الولد بخامس ابتدائي:icon33:
الله يسامح امه وابوه مدري ليه اللي مايتحملون مسؤلية عيالهم ليه يجيبون عيال اصلا:mad:
ولدي مننننننننننهبل يقول الرجل كبر خالي وله شنب طبعا خاله عمره 18 سنه
قلت لابوه تكلم المدير يكلم ابوه وراح اليوم وقاله
..................
انا الحين اتمنى ان ام هالولد تقرا كلامي لان ولدي يقول ان صديقه يقول امي رافظه نقعد عندها
طيب مادام الاب مسافر خوذيه عندك حرام عليك هاذا مرة ابوه رايحه لاهلها ومطنشتهم
يمكن منقهره من ابوه لاكن عيالك شذنبهم يظيعون ويدشرون حرام بذمتك تراهم

وكلنا نعرف ان الاب مو زي اهتمام الام والله يخليلنا عيالنا ويستر عليهم
الولد اسمه خالد عبد الله بشرق الرياض يالية امه او خالته او عمته تكون هنا وتهتم بالموضوع
لان الاب اصلا لو مهتم ماخلا طفل عمره 11 سنه بلحله بالبيت مع الشغاله بس
والله يهدي الجميع واسفه على الاطاله..