انا.....واخوات زوجي ...المستقعدااات لي ؟؟

السلام عليكم ورحمة الله ....خواتي والله ماكتبت الموضوع ؟إلا ودموعي على خدي والنوم طار عن عيوني لاني تذكرت الظلم والجور اللي صار لي من خوات زوجي الست وابوهم اللي هو ابو زوجي بختصار راح اذكر لكم قصتي وبعض المواقف اللي ظلموني فيها
بداية كنت بعيده عنهم وكنت الغاليه الا عمي ابو زوجي كان يغار وبجد قالت لي ام زوجي خالتي انه يغار من من ولده لاانه اتزوج الحرمه اللي يحبها اما عمي انحرم من حبيبته بسبب اعيال عمه وماتزوج عمي الا بعد سن الثلاثين
ومن يوم دخلت البيت وهو مستقعد لي على اتفه الاسباب حتى مكاجي يحاسبني عليه ويدخل بولدي ويهزئني قدام بناته ويتهمني بالاهمال والمشكله زوجي يسمع ومايقدر يقول كلمت الحق عشان مايغضب عليه .....اماخوات زوجي بدايتا يتلامزون من تحت لتحت وقت العطل يجون عندي ومتحملتهم لاني احبهم ويشهد الله اني كنت احبهم بس بعدماتزوجت وحده فيهم تغيرو علي ولمحو لزوجي انه يسكني معهم طبعا رفضت وقلت اني شارطه عليك اسكن بمكان عملك واقنعهم زوجي ونسو سالفت السكن لحد ماترك زوجي وظيفته والتحق بدوره وكان ناوي يسكنن بشقه قريب من بيت اهلي لاكن اهله قالو ليش تستاجر وبيتنا بالدور الثاني جب عفشك واسكن انت واهلك ...
طبعا ماخيرت ...وسكنت عندهم واول شي ذلني فيه عمي وقدام زوجي واهله ...قام يملي علي شروطه اللي اولها مايدخل البيت اي احد من اهلي وقال اللي يدخل اقص رجوله
وثانيا دبت الغاز تنزل تحت مافيه طبخ الا تحت والبيبان ماتقفل تخيلو يعني مافيه خصوصيه ....وكم مره تدخل علي خالتي وانا بحاله مايعامها الا الله.لان ممنوع اقفل الباب ؟؟؟
وقام يتشرط ويقول شغل الحموات مابيه في بيتي ....قمت اناظر بزوجي نظرات ملامه وسكت ويوم طلع عمي قالي تكفين اصبري كلها كم شهر واتخرج ونطلع والله منشانه صبرت خص انه فيه سكر وضغط رغم صغر سنه والسبب ابوه وتحكمه فيه
اماحمواتي شفت منهم كلام واستهزاء حتى يوم طنشت وصبرت ماقدرو علي امسكوني مع يدي اللي توجعني اولدي ...يوم العيد كانن مجتمعات بغرفتهن وانالحالي باصاله وطبعا تفاجئت ان حفلتهن بغرفتهن من اكبرهن وعمره فوق الثلاثين الا اصغرهن عمره خمس طعش ماسمع الا ضحك ورقص وانا منبوذه من دون سبب حتى معايدتهن كانت سلام بس...........:44:
والله بكيت من داخلي قلت ماسويت لهن شي وصبرت كثير عليهن واخرتهايجازوني كذ ا ...... حت سمعت صوت اولدي عندهم بالغرفه وكان مصروع ..عمره سنتين اخذته وصحت بوجيهن ولاول مره ادافع عن نفسي (قلت انا سوو فيني اللي تبون لكن اولدي لالالا.....ردت الكبيره وتحاول تقهرني قالت هـــــــــذا ولدنا ولو نذبحه ذبح متتكلمين طبعا رديت عليها وكانو كلهم ضدي حتى دخل عمي الله حسيبه وماخلاني ادافع عن نفسي وتهمني بخراب بيته ... وطردني وهن يناظرن نظرات النصر ....حسبي الله ونعم الوكيل دخل زوجي على صوت الخناق وقاله عمي خذ حرمتك ...مانبيها ببيتنا .....تكلم زوجي وقال يبه لوكانت حرمتي الغلطانه عسى الله لايحفظ ولدي وكن فلانه الغلطانه يقصد اخته عسى الله مايحفظ اللي في بطنها وكانت حامل و له خمس شهور ...ويوم نزلني بيت اهلي رجعلهم اتهمني عمي بالسحر ...والله اني اخاف رب العامين....والله اني اخاف رب العامين ومابيع اخرتي من شان رجال ..وقالو اماتطلقها اوتزوج عليها ...ولا غضباااانين عليك الحمد لله انه عارفني زين وقالهم انه ماراح يطلق ولا يتزوج وان افعالهم هذي ظلم ومسؤلين عنها....سكت ابوه وقفل الموضوع من يوم سمع رده وسبحان الله مامر شهرين وسقطت اخته حملها ...وانا والله ماني من الشامتين بس والله اعلم دعاء اخوها يوم اظلمتني ...

والحين مر على القصه هذي سنتين والله ادخل واطلع مايسلم علي الا عمي وخالتي وحاولت اتصالح معهم لكنهن ارفظن والعطله هذي تزوجن ثنتين يوم اتصلت ابارك ارفضن يكلمني وارسلن رساله على جوالي مضمونها لاتحظرين زواجاتنا ومالك مكان بيننا ......آسـفـــــــة على الاطاله لكن انامن شان اعيالي مابيهم ينقطعون عن عماتهم وولدي بدا يفهم ويشوف وهن اذا ارسلت اولدي وابوه يشوف مايسلمن عليه
والى الان اسعى اني اتصالح معهن والله الدنيا ماتسوى بس وين اللي يثمن هالكلام .....تكفون شورو علي والله هذا جزء بسيط من اللي شفته منهم وشلون اتصرف معهن وشلون ...لاتقولون طنشي زوجي تعبان من هالوضع وابغى اريحه واتصالح معهن ......؟