اناوسناعه

الف مبروك والله يتمم لك علی خير 
الطبخ سهل مش صعب تری اهم شي تكونين هاديه الطبخ يبي مزاج بعض الحريم كلش بسرعه بسرعه ويطلع طبخها ماله طعم 
انتي اول شي ابدي بالاطباق الریءيسه زي الكبسات المكرونات الايدامات الصواني اذا ظبطيها ابدي في المعجنات والحلی وهو اسهل شي وعندك قسم الطبخ في عالم حواء روعه وكلنا استفدنا 
ابدي من بكرة الغداء سويه انت واذا الوالده موجوده تاقف معك وتوجهك 
موفقه 

اسهل شي الطبخ شوي شوي تتعلمين وتتقنين

الله. يوفق. الطبخ اسهل منه ما في بس زي ماقت لو أخواتي تكوني  هادي وحبه حبه تصير شف. صدقيني قوي عزيمتك  ان شاء الله  ربي يساعدك 

الف مبروك اختي 
ربي يوفقك ويتمم لكم ويجمع بينكم ع خير 
الطبخ سهل وبالتعلم حبه حبه وقدامك شهور حبيبتي 
وكلنا مثلك 
انا اول ما اعرف اطبخ وع شوي ششوي صرت طباخه 
مثل ماقالوا الاخوات ابدي بالرئيسيات مثل الرز والمكرونه وكذا 
بكره سوي الرز وبعده وبعده لين تعرفين تتقنينه 
وبعدين المكرونه والصياني 
مكرونه بانواعها وصينية خضار وترا للمعلوميه الصيااااني مره سهله 
وباذن الله اذا بديتي من اللحين بعد شهر واثاريك مبدعه 
ومتى ماكنتي فاضيه العصر سوي حلا عادي لو كررتي الحلا ايام ورى بعض لين تتقنين 
واصلا اذا مشيتي ع المقادير تضبط الطريقه من اول ماتسوين الشي
دعواتي لك بالتوفيق 

الله يوفقك يارب
ويتمم لك على خير

الحمدلله معاك وقت كل يوم سوي لاهلك غدا او عشا او حلا واي طبخه تضبط معك اكتبيها بدفتر ولا تزوجتي خذي دفترك معك بينفعك
الطبخات خذيها من هنا المنتدى مليان وعندك الانستغرام مليان طبي وتعلمي

والحمدلله اذا شغل البيت تعرفين له وفرتي على نفسك نص المشوار

بعدين خلي لك لمساتك الخاصة ببيتك
صينية خشب بالمدخل عليها بعض العطورات
فواحات موزعة بالبيت تشغلين منها كل يوم
لوحات حلوة معلقة عالجدران
نقطتين عطر مع المطهر اللي بتمسحين فيه السيراميك
علاقات على جنب الثلاجة تعلقين عليهم فوط المطبخ

يعني حطي لك لمساتك وحركاتك ببيتك وربي يوفقك يارب