السلام عليكم ورحمة الله
خواتي هذي القصة روتها لي احد قريباتي
والسالفة بلسانها تقول: في احد ايام الصيف الحارة (كانت الحرارة تتجاوز الخمسين)
طلبو عيالي من ابوهم يوديهم لاحد منتزهات الثمامه عشان يسبحون ويغيرون جو..
المهم وافق ابوهم ورحنا
وحنا في الطريق اخذنا معنا جركل مويه بارد وكملنا المشوار
يوم قربنا نوصل شافو عيالي من بعيد كلب..عاد عيالي يموتون في الحيوانات
قامو يصارخون يبه قرب نبي نشوفه...
وبالفعل قرب ابوهم بس لاحظنا عليه انه ماهوب طبيعي يمشي ويترنح..وشوي يمشي ويطيح
والله ان شكله يقطع القلب...صراحه انا خفت وقلت يمكن انه مسعور...قال زوجي
لا الظاهر انه عطشان <<<<عاد زوجي خبره بالحيوانات
قلتله طيب خل نعطيه مويه
قال: وشلون نعطيه ومامعنا الا هالجالون وكاسات بلاستك صغيرة
ناظرني وقعد يفكر شوي....وقال يالله خل نحاول.....بعدين صبيت في الكاس موية
ونزل زوجي وعياله وحطوا الكاس عنده
قرب الكلب ودخل لسانه بالكاس وبطريقة عجيبه سحب المويه بلسانه وشربها بلحظة
اخذ زوجي الكاس وصبيت فيه مويه من جديد وعطيته زوجي وحطه عند الكلب
ونفس الشي سوا دخل لسانه وسحب الماء...واصلنا صب الماء في الكاس
والكلب مستمر بالشرب لحد ماشرب فوق الثمانية كاسات..
بعدها حسينا انه تحسن وبدا يتوازن وينتعش.... يوم جينا نمشي
قعدو عيالي يزنون على ابوهم بياخذون الكلب معهم خصوصا ان شكله ابيض وحلو
قال مانقدر ناخذه..لان مايصلح الواحد يقتني كلب الا للحراسة او للصيد
وحنا لاراعين صيد ولا بيتنا كبير ويحتاج حراسه
تركناه ورحنا وحنا ندعو الله ان مايتعرض للعطش مرة ثانيه
الغريب ان المنطقه اللي هو فيها كلها استراحات ومنتزهات ولا احد فكر انه يسقيه
وعلى قولة زوجي سبحان الله... الله ساقنا له ولا حنا وش مطلعنا بهالحر
انتهت القصة
*
وانا اقول ليش ياناس صرت قلوبنا قاسيه مع الحيوانات
الكلاب انقرضت والبسس في الشوارع مضطهده
تلقين الواحد يطارد وراهن بالحصى تقل بينه وبينهن ثار
والمصيبه عياله مثله
حتى الحمام ماسلمن بعشاشهن
سمعت قصه وحده ذكرته للشيخ المطلق تقول ان امها
ضربت البسة بعصا وماتت عشانه دخلت للحديقة
ووطت النعناع اللي هي زارعته ....اعوذ بالله
حرااااااااااااااااااااام والله حرام
نست ان مرأة دخلت النار بسبب قطه
والرجل اللي دخل الجنه بسبب كلب اسقاه ماء
حتى الحشرة الصغيرة مايجوزلك تقتلينها الا اذا هي اذتك
ولافضل انك تبعدينها
تراها روح من دم ولحم وتحس مثل مانحس
*
خواتي اعمال بسيطة نقدر نسويها وممكن انها تصير سبب بدخولنا الجنة ان شاء الله
اذا بقا منك اكل حطيه في الفيزر واذا طلعتو للبر خوذيه معك
ترا البر مليان دواب طيور...ومنها انك ماكبيتيه بالزباله
اجمعي الخبز بكرتون وعطيه حقين والبعارين اللي بالثمامة
حطي بشباك بيتك علبة مويه للحمام والعصافير وممكن تحطين بعد حبوب
اعجبني سواق جيراننا
حاط علبة بلاستيكية في حوض الشجر ومخلي الماء ينقط فيها
وجميع حمامه وعصفور بالحاره يشرب منها حتى البسس...واخذ اجرهم
خواتي في كل كبد رطبه اجر...ليش نحرم انفسنا من هالاجر
وفي الختام اقول اللي عندها فكره او عمل تسويه تفيدنا ولها الاجر ان شاء الله
وتسلمون
tayooopa @tayooopa
عضوة شرف في عالم حواء
يلزم عليك تسجيل الدخول أولًا لكتابة تعليق.
جزاك الله خير بالفعل يااختي.. بأمكاننا نسوي حاجات بسيطه ونكسب وراهاا ثواب كبير بس للأسف الدنيا أشغلتنــــــا كثير وماعاد ننظر للحيوانات الا انهم بيوسخون المكان وكلهم أمراض جزاك الله خير.. وعسى ذا الموضوع بميزان اعمالك ويصحي غفلت بعضنـــــــاجزاك الله خير بالفعل يااختي.. بأمكاننا نسوي حاجات بسيطه ونكسب وراهاا ثواب كبير بس للأسف...
جزااااكم الله الف خير...
من زمان كان عندي بالحوش قطوة ولها ثلاث من صغارها ..وكنت اقوم بتتطعيمها وتشريبها ...لمدة سنة كاملة المهم بعد سنة اضطريت للسفر وغبت عن بيتي سنة اخرى ولما رجعت لقيتها ميتة بالحوش....
احس الحيوانات اذا تعودت على الخدمة ما راح تنفع نفسها باي شيء.....
من زمان كان عندي بالحوش قطوة ولها ثلاث من صغارها ..وكنت اقوم بتتطعيمها وتشريبها ...لمدة سنة كاملة المهم بعد سنة اضطريت للسفر وغبت عن بيتي سنة اخرى ولما رجعت لقيتها ميتة بالحوش....
احس الحيوانات اذا تعودت على الخدمة ما راح تنفع نفسها باي شيء.....
tayooopa
•
جزاك الله خير بالفعل يااختي.. بأمكاننا نسوي حاجات بسيطه ونكسب وراهاا ثواب كبير بس للأسف الدنيا أشغلتنــــــا كثير وماعاد ننظر للحيوانات الا انهم بيوسخون المكان وكلهم أمراض جزاك الله خير.. وعسى ذا الموضوع بميزان اعمالك ويصحي غفلت بعضنـــــــاجزاك الله خير بالفعل يااختي.. بأمكاننا نسوي حاجات بسيطه ونكسب وراهاا ثواب كبير بس للأسف...
اختي محترمة الكل تسلمين على التعقيب والدعوة
ولك بالمثل :26:
ولك بالمثل :26:
الصفحة الأخيرة
بالفعل يااختي..
بأمكاننا نسوي حاجات بسيطه ونكسب وراهاا ثواب كبير بس للأسف الدنيا أشغلتنــــــا كثير وماعاد ننظر للحيوانات الا انهم بيوسخون المكان وكلهم أمراض
جزاك الله خير..
وعسى ذا الموضوع بميزان اعمالك ويصحي غفلت بعضنـــــــا