السلام عليكم ..
امس واليوم مقفله علي بغرفه
وسحبت نفسي من زوجي وعيالي
والسبب: كثرة انتقاد زوجي لي
انا أم سيئه انا اكرهه عيالي
انا فاشله وفوق كذا يقول مالوم حواليك يوم مايقدرون يتحملونك
زوجي ترا استشاري بالمجمع الصحة النفسيه
عشان كذا مشتغل علي تدمير نفسي
وفوق هذا اهله بعد يتكلمون اني سيئه
بنات انا احب عيالي ومهتمه فيهم بأكلهم وبشربهم ولبسهم وبكل شي صحيح مرات يتعبوني بس وش اسوي اخليهم شوي واروح اقعد لحالي لاني اتعب منهم
اخر شي سحبت نفسي من العيال وقلت دامك تشوفني كذا خلاص قوم فيهم وبأكلهم وغسيلهم ولعبهم وانتبه لهم وقوم ببيتك واكلك انا ماني مسئوله
وفوق كذا يقول بتزوج لان زوجة الاب ارحم منك
انا صبرت كثير وراح اوقف كل شي عند حده
لذلك كتبت له رساله وقلت له بالحرف الواحد:
اذا انت ترانس بهالشكل سيئه وفاشله مثل مااخذتني من بيت اهلي لوحدي ترجعني لوحدي
وعيالك معك قوم فيهم انت واهلك والزوجه الجديده تتحمل شهر بعدين تقول طلعهم لان محد يتحمل عيالك كثري انا ..
بنات تدرون اني كرهته هو وعياله
حتى عيالي كرهتم ولدي الكبير يدق الباب يقول
ماما احبك واشتقت لك لكن احس مشاعيري تبلدددت
سنين وانا اسمع هالكلام منه انا فاشله انا سيئه
تعبت وربي الكعبه
حسبي الله ونعم الوكيل
ملاحظه: اللي ترد رد سيء
احب اقولك : يارب نفس الموقف ونفس الشعور تمرين فيه من باب العدل وليس من باب الانتقام
ورده ورديه 123 @ordh_ordyh_123
عضوة جديدة
يلزم عليك تسجيل الدخول أولًا لكتابة تعليق.
حاسه فيك وربي حاسه يمكن لأني مريت بنفس شعورك تقريباً وانا ما الومك على اللي تسوينه لاكن عيالك حرام عليك مين بينفعك اذا كبرتي في السن الا هم واذا على زوجك تقولين انه استشاري بالصحه النفسيه انا اتوقع انه يعاني من مرض نفسي وهذا شي اكيد مستحيل شخص طبيعي يشوف اللي انتي تسوينه من اهتمام ويجحد اكيد عقله في شي
وعليكم السلام ورحمه الله وبركاته انت ام صالحه ومثاليه وناجحه انت زوجه مثاليه لا لا لا يختي لاتخلينه يحطمك خلك اقوي من كذا انت قويه بالله ان شاء الله انتقاد زوجك انسان حاس بالنقص وهذا هو تخصص نفسي وبيعالج ناس لاتهتمي لكلامه ولا لكلام اهله ومين هم عشان يحددون مدي نجاحي ولا فشلي ايه ردديها سمعي نفسك انا احب عيالي عيالك بالدنيا لاتكرهينهم ذولا منك قطعه منك ذولا نفسك تكرهي نفسك حبي نفسك وعيالك ربيهم علي الدين والقرب من الله وتشوفي نتايجه وزوجك لاتردي عليه ابدا خله ينقد ولا عاد تستمعي لنقده كل الرجال ياقلبي يقولون بنتزوج وكلي امرك لله قومي وتعوذي من الشيطانًكلمه ولدك لامست قلبي كيف انت امه اكيد وصلتك بس تكابرين اعرفي في احد يحبك ويشتاقلك عيالك الله يرزقك ويرزقنا برهم وصلاحهم
لاتسمعي كلام زوجك . . . . ماأحب الإنسان اللي ينتقد ويشوف نفسه ملاك . . . و اهتمي بنفسك وبعيالك وربي يكتب لك اللي فيه الخير
الصفحة الأخيرة
بما انه استشاري بصحه نفسيه اكيد بيمر عليه مشاكل كثيره من انواع واشكال المشاكل بس انتي تحملي وخليك قويه وخليك قرارك وعيالك ربي يحفظهم لك ويصلحهم .
ربي يفرج لك باقرب وقت ويريحك