أنا صاحبة الموضوع (مطبخي باللوك الجديد ) وهاذي صورته
والله يابنات عاجزه عن شكركم على ردودكم الحلوه الي شجعتني
ونستني تعبي بالمطبخ فالف شكر لكم وجزاكم الله الف خير
هذا الرابط للي ماشاف الموضوع
http://forum.hawaaworld.com/showthread.php?t=2945839
أنا نزلت الموضوع عشان كثير بنات سألوني وشلون سويته
وانا باقولكم الطريقه والطلبات
اولا الطلبات
** تجاليد احمر + اسود (عاديه يعني حقت الكتب ) يفضل شراها
من المكتبه لان محلات التوفير تجيك تقليد ولك حرية الالوان الي
تعجبك
** بويه سوداء للأطراف لانها تجيك بارزه ومايصلح نجلدها
وهاذي صورة البويه الي أستخدمتها معليش قد حوستها بس المهم
انها بويه عاديه
** ريشه ألوان مقياس كبير وصغير عشان يصير شغلك مرتب
واذا عندك ريش مكياج ماتبغيها فيك تستخدميها (مثلي) ههههه
وهاذي صورة الريش حقتي
نجي للطريقه
أول شي نصبغ الاطراف بالاسود ونتركها تجف وبعدين
نجلد الابواب
طبعا انا غلطت وصرت أجلد وبعدين اصبغ فتعبت حيل لان البويه
السوادء ثقيله فخربت التجاليد فحوست حوسه الله بها عليم عشان
كذا ابدوأ بالصبغ اول
شفوا هاذي الصوره قبل وشلون جلدت وباقي الاطراف بيضاء
وهاذي الصوره شلت التجليد عشان أوضح
والحين بعد
نجي الحين للي بين الدواليب طبعا انا رحت وقصيت من التجاليد
الاحمر والاسود مربع بمقياس 12 سم طول و14 سم عرض
بالمسطره العاديه وقصيتها فحطيت 60 حبه مربع أحمر و60 حبة مربع
أسود (والعدد على حسب مساحة جدارك ) وبعدين صرت ألصقها
على الجدار حبه حمراء وحبه سوداء وهكذا الين خلصت
الحين هالصوره توضح شوي
والحين بعد مالصقتها
(أتمنى انكم فهمتوا)
معليش يابنات والله اني تمنيت اني سويتها قبل وبعد وصورتها خطوه خطوه
بس ماتوفرت الكيمراء معي
وبكذا خلصت اللوك الجديد بتاع المطبخ
أي سوال أنا حاضر