انا إلي استشرتكم اسوي زواج بعد ماصار عندنا ولد

السلام عليكم ورحمة الله وبركاته 
صباح الخير. 
انا إلي كتبت لكم قبل فتره استشيركم بمشكلتي مع زوجي اني مو متقبلته واستشيركم اذا يصير اسوي زواج بعد ماصار عندنا ولد.ادخلو ملفي وتتذكرون
انا كتبت اليوم عشان اطمنكم لان واجدين قالو طمنينا وابيكم تدعون لي 
سويت زواج وانزفيت ولبست فستان ابيض وتصورت ورايحه شهر عسل بعد كم يوم ان شاء الله. زوجي تغير 180 درجه احس اني تزوجت رجال ثاني.وبدا ولدي يتعلق فيه بعد ماكان مايعرف شكل ابوه ويخاف اذا مسكه ويبكي . وانا سجلت بالمدرسه وحاليا ادرس الحمد لله يارب. واهل زوجي ناس طيبه بالذات امه واخته الكبيره طيبين ويحبوني ويحبون امي وولدي شاف خوانه كذا مره والحمد لله عمري ما تخيلت انه بيصير كذا وطول الفتره إلي فاتت وانا عندي شكوك انه مرجعني لمصلحه مايبيني بس تأكدت الحين انه صدق ندمان 
بس مع كل هذا انا للآن على وضعي معاه . اكره البس له اكره اجلس معاه لحالي اكره نكون انا وهو لحالنا باي مكان واذا صرنا لحالنا ارجف وتجيني لوعه وغثيان لاني تلقائيا اتذكر الماضي بتفاصيله والله زي الشريط يمر براسي إلي سواه مو قليل وللآن متعقده منه 
حبيت اطمنكم علي . وابيكم تدعون لي اني احبه واقدر انسى واصير معاه عاديه زي باقي المتزوجات.