السلام عليكم ياااا خواتي ......
انا هالشهر طاح حملي وكنت بأربع اسابيع وبكيت بكي الله العالم من القهر لأن ثاني حمل لي ما يتم وربي كبير وكريم بيعوضني ان شاء الله ............. المهم انا رحت دوامي ودمعتي في عيني يعني اي احد يكلمني كلمه بسوي مناحه وقاعده انا زميلاتي ولا وحده منهم تجي تكلمني على جنب وتبكي بحرقه وقتلها شفيج عسى ما شر ولا الإخت الله يتمم عليها تطلع حامل وما تبي حملها وتقول بشرب اي شي عشان ينزل الياهل لأن ولدها عمره 3 سنوات وصغير وتبي ترتاح وتبكي والله هم يبكي وهم يضحك قتلها استغفري ربج حرام هذا رزق من الله وشوفي حالتي احمل مرتين ويطيح وعيني طالعه من الإبر والأدويه خافي ربج وتبكي ولا همها كلامي وانا بكيت معاها على حالي وقلت في نفسي الي يبي ما عنده والي ما يبي عنده ومو حامد ربه الحمد لله والف الحمد لله على كل حاااال
لاحول ولا قوة الا بالله العلي العظيم اللهم اجرني في مصيبتي واخلف لي خيرااا منها ...اللهم اجرني وعوضني بحمل سليم ثابت وبولد صالح ان شاء الله
المفروض تحمد الله سبحانه وتعالى بدل ماتقعد تبكي
ولو كبر ولدها وتأخر حملها تحصلينها من مستشفى لمستشفى تدور الحمل
لا وبعد تفكر انها تقترف ذنب وتقتل نفس 00000 هل هذا شكر النعمه