انا ابي الدوام ومحتارة في بناتي

السلام عليكم ياحلوات شخباركم انا داخله وطالبه منكم المساعدة لاني في حيرة من امري


انا مقدمه على وظيفه وسبحان الله كل امور هاالوظيفه جات تساهيل يعني اسبوع ودقو لي للمقابله سويت مقابله واسبوع دقو لي وخبروني اتهم قبلوني

طبعا وتميت شهر واتصلو لي في الاجازة وخبروني اني التحق في الدورة ومدتها ثلاث شهور وبعدين ادوام ومن ذاك اليوم وانا اتهرب منهم كانهم هم اللي يبون يتوظفون

وسبب تهربي ان الدوام بيكون من الساعه 8 الصبح لين 5 العصر وانا عندي بنتين وحده بالروضه وتطلع الساعه 11 وحده في الابتدائي وتطلع الساعه 1 وانا افكر فيهم لاني ماارتاح انهم يركبون باص وسبحان الله صرفت نظر عن الموضوع الا امس داقين علي عشان يقولون لي ان الدورة الجديده بدت ولازم الاحد اكون موجوده الساعه 8 ونص عندهم انا ابي الدوام ومحتارة في بناتي رغم ان الباصات متوفرة وعندي شغاله في البيت تجلس معهم بس مااعرف احس اني اظلمهم ابي رايكم اروح بكرة واتوكل على الله ولا اطنش نفس كل مرة


شاكرة لكم مروركم عاالموضوع