انا اتعالج وبالآآآآآخر......

هذي اول مشاركه لي بهالموقع الرائع مع اني من المتابعات لقراءة المواضيع اول باول
انا ابيكم تتحملوني شوي ،،،،
انا متزوجه من سنه وعشر شهور وفي بداية زواجي اخذت حبوب ياسمين لمنع الحمل لمدة ثلاث شهور
بعدين تركتها وكل شهر انتظر الحمل ولا صار حمل
ورحت لدكتوره على مدى شهرين وقالتلي ان صار عندي ضعف بالتبويض ولا تفكرين تاخذين علاج الا بعد سنه من زواجك لمى يروح مفعول الحبوب
وسبحان الله بعد تسع شهور:icon28: حملت بعد مارحت للدكتوره بشهر
وماتتخيلون مقدار فرحتي انا وزوجي بس ،،،،،،،
لمى رحت كشفت بالالترا ساوند قالتلي مافي نبض،،، وتخيلوااااا معاناتي... المهم من مستشفى لمستشفى لين ماقررو الدكاتره اني اعمل تنظيف وعملت تنظيف وانا بالشهر الثاني ونص،،،،،،
بعدها انتظر الحمل شهر.. شهرين.. ثلاث .. مافي اي خبر ...
وصار عندي هرمون الحليب مرتفع والحمد لله تعالجت منه واخذت الدوستينيكس....
وانتظرت.. وربي ماكتبلي اني احمل والدكتوره قالتلي لازم زوجك يحلل وانا اقول لا هو مافيه شي انا اللي عندي مشكله
واخذت خلطات شعبيه ولخبطتلي الهرمونات من الى الله لايوريكم وبعدها بديت رحلة العلاج لان عندي ضعف بالتبويض
استخدمت كلوميد ودوفستون باول شهر علاج وماحملت
والشهر اللي بعده اخذت ابر البوريجون لمدة ثمان ايام ودوفستون وابره تفجيريه وماشاءالله نزلت معي اربع بويضات وكلها مقاس طبيعي وتفائلت خير وماحملت
الدكتوره اسستغربت ورفضت تعطيني الشهر اللي بعده اي منشط الا لمى زوجي يعمل تحليل وقالتلي لاتتخدمين اي خلطة
وبعد اخذ وعطا انا وياه وبالمحايل عمل التحليل
وكانت نتيجة التحاليل السرعة10% بس،والعدد 29مليون
تخيلوا انا لي سنه مسقطه وكل يوم اروح للدكتوره وعلاجات وخلطات وهو رافض يروح للدكتور
هذا الكلام من شهرين وزوجي:arb: كل ما اقوله رح للدكتور شف وش يقولك يقولي لا انا ابعيد التحاليل والى الآن ماسوى ولا شي انا تعبت يابنات وش لون اقنعه يروح للدكتور وشلون
هو لاهو رافض ولاهو يرد علي وش اسوي؟؟؟؟؟؟
وايش رايكم بخلطات العسل لي ولززوجي هي مضمونه >>>>>>>> وآسفه عالاطاله