انا اتعذب والسبب ولد عمي

اول شي اباكم تدعولي قبل لا تقرون قصتي :icon33: من القلب دعوة خالصة بسرعه قبل لا يطير الولد :44:

يابنات احب ولد عمي والله العضيم احبه موت :44:واتمنى يكون زوجي ودوم ادعي ربي انه يكون من نصيبي من نحن صغار ونحن ويا بعض وهو درس في الجامعة وانا بعد وانا تخرجت وهو هالسنه اخر سنه واخاف الحينه خلاص يوم يتخرج يخطبوله بنت خالته
بليييز خبروني ماعرف كيف المح لاهله
وخايفة يخطب بنت خالته بليز ادعولي والي عنددها حل تقولي ولا اي شي اسويه ولا دعاء معين ولا صلاة معينه واحس اخته دايم تمدح بنت خالها :44:وانا امدحها وياها عشان لا تحسبني اني اغار والله احب بنت خالته من كثر ما يمدحونها بس ابا ولد عمي انا وثانيا اخاف يعرسون عليها وعقب يطالعوني يوم عرسه بنضرة غير عشان كذا احاول ما ابين بس الحينه خلاص اباهم يخطبوني لمتى اسكت قلت لامي تلمح لامه امي رفضت وقالت انهم يعرفوني وما يحتاج تلميح انا بنت عمه ويعرفني
وامه احسها ماتحبني انا وبنات عمي لان امه من قبيله ونحن من قبيلة غير عن قبيلتها فهي تبا بنات اختها والله اني اصيح
دوم احبه من انا صغيرة :icon33:تخيلو يوم اي بيتنا يقول لخواني لا تعرسون على القبيلة (...) الفلانيه بناتهم دفشات:icon33: يقصد خواته ويقصدنا ويكونون يضحكون يعني بس يوم قالي اخوي يلست اصيح في حجرتي الين ما مخدتي انطرست دموع
واخوي قالي انه بيخطب بنت خالته بس هو متردد لانها اطول عنه :icon33:وانا اقول في خاطري عساها تطول اكثر وياخذني
وهو ما يفكر ياخذني شكلها امه زارعه هالشي في راسه اننا دفشات وكذا وكله يمدح بنات قبيلة امه وامه ماخذة لخوانه الكبار بنات اختها بعد كلهم والله ارجوكم تدعولي ان ربي يجمعني فيه ويحليني في نضرة واعرس عليه عاجلا غير اجل ويرزقني الذرية الصالحة وربي يوفقه في دراسته ويتخرج ونكون سعيدين مع بعض ادعولي دعوة من قلبكم وعسا ربي يفرح قلبكم

ويابنات لو ماعرست عليه مثلا لاني حاطة هالتفكير في بالي عشان لا انصدم لان امه تحب بنات اختها بشكل مب طبيعي وبنت اختها
بصراحة جميلة وامهم ما تجلس الا وهي تمدح في بنات خواتها فاكيد الولد بيحبهم فيعني الامل ضعيف جدا انها تاخذني 1 % بس


انصحوني خبروني اعتبروني اختكم مادري محتارة هو نفس تفكيري ونفس هواياتي واحسه مدين ويخاف ربه
:icon33:ماعرف شسوي وقلبه طيب وادعولي اهم شي الدعاء