اختي اتمنى من الله ان يهديه ويرده اليه ردا جميلا
بس طمنينا عليك في حفظ المولى

البنات كفو وفوا بس ارجعي الي الله واكثري الاستغفار وادعي دايم ان الله يكفيكينا من كل شر

ودايما قولي اللهم استوعتك نفسي واولادي وزوجي واحفظهم من كل شر ويارب يسخر لك زوجك ولا تشوفين منه مكروه

ان شاء الله وفي وحده من البنات كلامها رائع اللي قالت قصه لوحده ويارب تهدي زوجك ويرجع لك ولعيالك

وطمنينا عليك وتقبلي مروري المتواضع

الله يعينك على ما بلاك ويصبرك..

اولا: الله يعينك ويفرج همك
ثانيا: انا استغرب من اللي تقول اصبري وتحملي عشان اولادك
احنا عارفين انه الأولاد راح يفقدوا ابوهم لكن اللي ابوه خربان يعيش بدونه ولا يكون له هالقدوة
وصحيح انه محد يتحمل اولاد الغير لكن الله مايضيع احد
انا سمعت من احد المشائخ انه الخمر اعظم من الزنا
تدروا ليش لأني اللي يشرب يروح عقله
قال الشيخ انه احدهم كان سكران فزنا بامه وقتل اباه

يعني اللي تنصحها انه تتحمله وتجلس معه
اذا الله لا يقدر جاء يوم وضربها او ضرب احد الأولاد وجاهم شي يكونوا استفادوا الأولاد بها الأب
او اذا انتقل مرض لها او لأولادها بتضل عايشه ندمانه طول عمرها

الأم ما تتحمل يجي اولادها اي شي
فراح تحط الغلط على نفسها اذا الله قدر وجاهم شي

صحيح كلامي قاسي شوي لكن الجزء الفاسد من الجسد لابد بتره
اختي اذا تشوفي انه في حل معاه حاولي

قريت في المنتدى انه في وحدة كانت في نفس مشكلتك
فاعطت فلوس لوحدة امريكيه وقالت لها تصور زوجها وهو سكران
بعدين هي رسلت اشريط الى زوجها
طبعا هو مايدري من رسل له الشريط ويهدده انه يعلم الملحقيه
فخاف والله هداه

اذا كان يمديك تسوي هالطريقه جربي يمكن الله يهديه ويترك الخمر
اما اذا لأ ارجعي بلدك لأن هنا مااحد راح ينفعك لو صار لك شي
واولادك انتي مسؤوله عن حمايتهم الان

والله يعينك

السلام عليكم......
صاحبه الموضوع
انا قريت قصتك وماقريت ردود البنات بس حاولت سريعا الاقي لك رد او تعليق لعله يكون نفذتي شي ونفع معه
لكن اسمعي ياحبيبتي...وافتحي اذنك زين..
اولا انت قاعده تتكلمين عن خمر وسكر مو عن مغازل ...تعرفين وش يعني حرام وكبيره..
ثانيا انت تبين رجلك والا ماتبينه...مادري كم لك متزوجه وكم عندك عيال بس لكن في كل الحالتين لازم تتخذين قرار صارم
اذا انتم من زمان متزوجين وعندكم عيال معناته هذا مو هوب كفو يصير قدوه لعيالك وماقدر العشره اللي بينكم واذا توك متزوجه فاقولك اياها وماودي اهدم بيتك بس اللي هذا اوله ينعاف تاليه..
اذا ماتبينه..اقرب فرصه اتصلي على احد من اهلك ثقة واطلبيه يجي بدون ماتقولين له القصه الحقيقيه عشان لايتكلم عند احد واذا جا حطي زوجك قدام الامر الواقع وانه فيه من يسال عنك ويهتم فيك ومايرضى لك هالعيشه وظفي عفشك وامشي..
واذا تبينه برضوه اتصصلي على احد ثقة وخليه يجي ويتفاهم معه ويهدده انه بياخذك لو ماتادب وانك مو لعبه ولا ملطشه...ولا جيتي من الشارع وفيه من يهتم فيك ويسال عنك...لاتقولين ماوراي احد لو ولد عمك المهم يدري انك مو رخيصه عند اهلك
صدقيني كل مابينتي له انك ضعيفه ومالك احد بيزيد زياده..
وادعي ربك واستغفري والله سبحانه ما يضيع احد اعتبريه ابتلاء والصبر نور ويقين
الللللللللللللله يفرج همك