انا احب اعيش اللحظه بس يجيني احد يخليني انظر فوق

مساء الخير
انا سبق وذكرت اني عشت عند اهلي حرمان فضيع لا طلعات ولا احتماعات ولا تمشية ولا شي ما قد رحت لمطعم ولا كافيهات ولا شي ولا نعرف أقارب ولا شي العيد يمر كذا بعد ما تزوجت الحمدلله صرت اعرف الناس واجتمع بشاليهات واجتماع ثالث العيد انا احب اعيش اللحظه واقتنع واقول الحمد لله حالي احسن من اول وفيني طبع ما احب اطالع الي أغلى مني لاني ابتعب نفسيا فصرت أسكر حواسي اول شي حذفت السناب ما ابي اشوف حيلة الناس الأعلى مني كذا ابتعب ولا استمتع في للي عندي يعني مثلا اروح اتمشى في حديقة او كافيه اغير جو ما اجلس اتفرج على سنابات المشاهير وحياتهم خليني في حالي احسن لا تقولون محتوى هادف ومدري ايش انا ما ابغى اشوف حياتهم وسفراتهم ابغى اريح نفسي واستمتع في الي عندي بس الي يبط كبدي الي يجلس عندي ويتفرج على حياة الغير ويسولف عنهم زي مثلا ثالث يوم العيد كنت معزومه في شاليه وكنت مبسوطه والعزيمه مره فخمه مره فعاليات ودي جي ووناسه جالسه معنا وحده طول الجلسه عينها في جوالها وتسولف عن عيد الراجحي وتقول شوفو العز وعيدهم واو وحطو كذا وكذا صراحه تجلطني الي كذا هي عينها فوق فوق وتبغى الي حولها زيها صراحه تعبت من ها النوعيه