انا احلى في العيد .. تعالوا ما راح تندمون ..

السلام عليكم ورحمة الله وبركاته ..
كيفكم يا انيقات حواء ..
انا ماعندي مقدمات ولا شيء .. وابي اطرح الفكره هنا .. لاني ابيكم تشاركوني .. خلوني اقولكم ..
الحين شيء طبيعي ان البنت تهتم بنفسها وباناقتها ما اختلفنا وهذا شيء كما حلو ..
طيب انا جايتكم بخصوص هالموضوع ..
تعبنا واحنا نحط نبي خلطه ولا نبي مدري وش .. انا باختصر عليكم السالفه كلها .. وباجمعمكم بهالموضوع ..
واللي راح يكون مرجع ودليل لكل وحده تبي تهتم باناقتها ..
يعني الموضوع ماراح يكون لذوات البشره الدهنيه فقط او الجافه فقط .. لا راح يكون للكل .. بمعنى اصح
اننا راح ندقق في كل شيء ..
يعني حطوا اللي تبون من الالف الى الياء ..
خلوني اوضح ..
موضوعنا رح يشمل
خلطات تفتيح وتوحيد وصفاء بشرة الجسم ..
يعني ما تجي وحده تقول شرايكم بالليزر ولا مدري وش .. لا خلونا كذا احلى واخف على قلوبكم ..
راح نركز على كل شيء بالجسم حتى نكون حلووووين ..
يعني تعالي قولي لنا شيء استخدمتيه وتغيرتي وكم المده .. وكيف نتايجه ..
راح يكون كلامنا كله عن الجسم -اليدين-الوجه-الرقبه- الاكواع والركب-الاقدام - المناطق الحساسه- الابطين وكلللللش
واذا عندك صوره جيبيها حتى يوضح لنا المنتج
لكن مثل ما قلنا الاستمرار شيء واجب ..
خلونا نتغير للعيد وبسم الله بابدا ..

انا عن نفسي بشرتي مختلطه مو بيضاء مره لكن اطمح للبياض والله ما سمرني الا الشموس بذا الدوام ..
المهم قلت ياوعد لازم تتغيرين لازم تصيرين قطنه ..
وتبدا رحلتي مع الخلطات ..
صرت اجمد قوالب مويه ورد واستخدمها مرتين باليوم اميعها على وجهي .. مره قبل لا اروح الدوام وبعدها احط الواقي ومره لارجعت من الدوام وساعات ازيد مره قبل لا انام ..
بعدين استخدمت الزبادي مع الخيار والصراحه روووعه .. ( طحنت الخيار وحطيت على الزبادي وعلى وجهي لحد ما نشف ثم غسلت وجهي .. وبعدها موية ورد .. رووووعه تحسين بانتعاش ومع الاستمرار راح تلاقين نتيجه روعه .. يعطي نظار وهيك ..
امم استخدمت الجيلوسوليد مع الليمون احطها قبل ما انام واذا قمت اغسل بالصابون انا احطها على وجهي وساعات على جسمي كله .. وحدت لون وجهي ومره اعطتني نتيجه حلوه ..
استخدم اسكينول بالخيار برضوه حلو ..
لجسمي استخدمت الشوفان مع الزبادي مع موية الورد روعه قليله بحقها ..
وناوية اجرب الخلطه الصابونيه اللي فيها صابونة الغار .. احسها حلوه ولا وش رايكم ؟
امم شفاتي استخدم عسل .. والله يبنات اتعب اتعب وانا اقولكم انه روعه مره مره يخقق .. شيء واااو
جربوها واحكموا والله راح تدعون لي .. حطي على شفاتك عسل وخليه بتلاحظين بعد شوي انوه الشفاة تشربته .. حطي عليه ثانيه وخليه لما ينشف وشوفي النتيجه كيف والله احلى من الفرشاة والمعجون على الشفاة احسها قويه على الشفاة ..
اممم استخدم زيت زيتون لليدين ... يعني من الكتف الى الاصابع افركها زين واخليها شوي ثم اغسله واذا حابه تحطي مع سكر برضوه راح يعطيك نتايج وااااو استخدمها تقريبا مره او مرتين بالاسبوع ..
اسناني استخدم معجون برادونتكس بصراااحه خطييييير تحسن اسنانك مثل الولو مره حلوه انا استخدم الوردي ومره باليوم .. ومضمة ( ملح ومويه) وكلي علك اكسترا بالاناناس او النعناع .. يعني نكهات شوي حاره لانها سبحان الله تنظف وتشيل الجير .. مثل ما سمعت ..
اما لين تسبحت فاستخدم زيت جونسون مره حلو خلاص صرت استغني عن الكريمات المرطبه .. وخاصه لمنطقة الارداف .. لانها غالبا تكون جافه ..
واستخدم اليفه المغربه مره جونان .. وسمعت عن ليفة بودي شوب بس ما ادري وش رايكم فيها ..

لكني ابي شيء للجسم ابيه شيء خيالي .. يعني خلطه ..
وبرضوه وشرايكم بمجموعة التوت الياباني .. ولا وش تنصحوني فيه .. ابي معطرات جسم حلوه ..
ابي لين تحركت تطلع ريحيتي خقق ..
وبسسس هذا اللي عندي ..
يالله كل وحده تدلي بدلوها خلونا نستفيد من بعض وصدقوني ماراح تجنون الا الدعاء ..
واذا ما صلح لكم شيء .. فاذكركم ترا البشرات تختلف ..