**************انا اخــااااف من ..........****************

مساكم الله بالخير وياهلا والله ومسهلا

ويالله انك تحييهم كل وحده بأسمها

يابنات الله يسلمكم انتم عارفين ان اجازة الصيف وصلت

يعني هذا وقت السفرات...عاد انا والله منيب راعية سفر يعني ماحب مره وزوجي يمووووووووووووووووت في السفريات يعني لو مارحت معه يمكن يروح لحاله:o

بس هالسنه ماااااااسكه معي اني اروح مدري ليه ....الله يستر بس

ادري اني قصيت قصة حياتي

مشكلتي هي اني اخاااااااااااااااااااااااااااااااف من الطياره
ويعورني بطني وياويل اللي يحاكيني ولا اكل ولا اشرب
واطرافي ترتعش يعني لاهيه في عمري اللهم ياكافي.......بصراحه اول ماكنت كذا بالعكس كنت احتري بس متى اركب طياره كنت احس بمتعه
بس مدري وش صار لي...مدري من ذا اللي صكني بعين

وفيه ناس اقترحو اني اخذ الحبوب اللي تنوم وخاصة اذا الرحله طويله علشان ارتاح من الهم لاني بصراحه في الطياره شوي وقلبي يوقف

انتم وش تنصحوني فيه؟
وهل فيكم وحده جربت هالحبوب او سمعتو ان احد جربها؟
تأيدون اني اخذ معي بنتي (5) سنوات وولدي (10 شهور)؟

ورب الكعبه ادري اني طولتها وادري ان كلامي غريب
بس هذي فضفضه وتفكير بصوت مسموع

والله لايخليني منكم:44::44::06: