انا ارضع ولدي طبيعي شوفو وش صار لي

انا من المؤيدين للرضاعة الطبيعيه ولها محاسن كثيره للطفل ولك
وانا يوم ولدت صميت آذانا لكل من قالو دخلي الصناعي لو رضعه او رضعتين
واعتمدت على الطبيعي وحاولت ادخل السريلاك يوم كبر ولدي
حرصت اغذي ولدي عشان مايقلون عشانها ترضع ولدها طبيعي صار ضعيف ورخو حرام عليها
كرهت هالكلام كله
ونسيت اغذي نفسي
ولدي الحمدلله مو سمين بس جسمه طبيعي مو ضعيف ترس عوده على قولتهم
لكن انا جاني الم بظهري وصرت كأني عجوز امشي وظهري مائل صار في ظهري الم مو طبيعي
ورحت اليوم الدكتور وسو لي اشعه وطلع التهاب في فقرات الظهر
اول مره تجيني هالحاله وانا توني 31 عمري
والله انصدمت قال الدكتور انه من حمل ثقيل وانتي ترضعين طبيعي المفروض تشربين حليب
قلت ولدي أشيل قال حرام عليك ولدك صغنون
بس الجسم محتاج كالسيوم لانك ترضعين طبيعي
وعطاني حبوب كالسيوم مع فتامين د وحبوب للأعصاب ودهان للظهر
والله ضاق صدري على نفسي
اي وحده ترضع طبيعي أنصحها لازم تشرب حليب والا بتصير مثلي
واذا انتي مو من النوع الي يشرب على الاقل حبوب كالسيوم نصيحه لوجه الله ماابغي منها الا الأجر