انا استعجلت و الا اللي سويته صح !

السلام عليكم ورحمة الله وبركاته

غرفتي تشاركني فيها 2 من خواتي ، و دائما حوسه و غبار

و قدر الله علينا و اشترينا اسرة جديده
انا و اختي حطيناهم و الثانيه قالت لا انا ابي سريري
يا بنت الحلال عطلي بطلي
قالت لااا

السرير القديم حالته حاله و الخشب تعبان
و الاسرة الجديده ممتازه و مرتبه

صبرررت فترة طويله قلت لعل و عسى تقتنع الاخت تغيره
لكن مصره ..
و كل مره ننظف الغرفه ، ترتب هي سريرها اي كلام حتى الغبار ما تمسحه
و تحته كومه اكياس و حوسسسسه و لا تشيلهم و ترتبهم

و انا انقرفت و تعبت نفسيتي ..
الزبده انخطبت و ملكت الله يوفقها و باقي على زواجها شهرين

و كل ما قلت لامي قالت اصبري لحد ما تروح
صبرت صبرت .. يوم جاء اليوم احس اني انفجرت
اكتئبت من المكان و الحوسه
رحت و فككت السرير و شلته و حذفته بالحوش و ركبت السرير الجديد

يوم شافته و يطلع الشرار من عيونها
و تجلس تهاوش و تخاصم و ليش ما قلتوا لي و انتم تبغون الفكه .. ما قدرتوا تصبرون لحد ما اطس !
انا اصلا ما ارتاح الا فيه .. !
كلام طويل عريض اوجع قلبي ..

راحت شكتني لأمي و ابوي
و قالوا لي ليتك صبرتي لحد ما تروح

بس و الله عجزت ..!
اساسا لو قلت لها بترفض ، و عذر انها ما ترتاح الا فيه غير مقنع .. و هالدراما اللي سوتها ما كان لها داعي
هذا جزاي ارتب الغرفه و اهيئ المكان لها نفسيا ..
جزاي ارتب حوستها و اشيل الغبره عن المكان الله تنام فيه !

قسم بالله حتى مكان اصلي فيه بالغرفه ما في من الكركبة و الحوسه ..
ضاق صدري من الوسخ و هالفتره تعبانه نفسيتي
ابي اشغل نفسي بأي شي
و ما لقيت الا سريرها

ليتني ماكله تبن و هاجده و انتظرتها لحد ما تروح على قولتها

تحطمت من تصرفها ..