اشتياق للجنه
•
الله يسقي ذيك الايام بالخير كل شي تغير في هالزمن
اه ثم اه ثم اه ذبحني موضوعك وربي . اشتقت لطايف اشتقت لجوووه وجو لمن نكون فرحانين اننا نزلنا السوق انا واخواتي اشتقت لبرحه القزاز وشوارعها وناسها الطيبين .. اشتقت لمن نجتمع انا واخواني واخواتي عند التلفزيون في المغرب ونتفرج ع غاليه وملاهد الي يقول ايييه يا حزم الضامي مسلس بدوي ... كان يضيق صدري بعد ما يخلص واحط حرتي بنووم اشتقت لمن ننتظر الاخبار تخلص عشان المسلسل بعدها اشتقت لابوي الله يرحمه ... اشتقت لبنات الابتدائي التاسعه عشره والمتوسطه الرابعه والثانويه الاولى .... مجمع في حواياا اه ما اجملك يا الطايف ... اشتقت للجيران الطيبين يزورون بعض في اي وقت الحين الحريم اذا حرمه حلوه ما تستقبلها او تصرفها خايفه ع زوجها ... هذا الي حاصل اشتقت لمن ابوي يجيب في جيبه لي شكلاته وساحت من اشمس واجلس الحس في الكيس عشان ما اخلي منها شي شكلي كنت جوعانه ههههههههههههه اه وربي حركتي اشياء واااجد اي وحده كانت بثانويه الاولى تراسلني
لامستي جروحي بموضوعك اذا قلتلك اني يوميا احن للماضي ماراح تصدقين انا انسانه رغم حداثة الحياة الا اني اعشق كل شي قديم وتراثي لانه يذكرني بطفولتي وايامي الحلوه احيانا لما تضيق فيني الدنيا واشتاق لحياة البساطه افتح النت واحط رمضان قديما او الحياة قديما احب دايما استرجع الماضي اشتقت لايام رمضان وكيف كنا نستعد له اتذكر انا واختي ننمبسط لما يجيبون اعلانات حقت رمضان وايش البرامج اللي راح يجيبونها اتذكر لما نجي من المدرسه فالايام العاديه كل وحده لها يوم فالبيت رغم كنا صغار على شغل البيت نحاول نخلص بسرعه وننسدح عند التلفزيون وننتظر الدعايت تخلص عشان المسلسل وكل شوي وحده منا نتقول هذي اخر دعايه هههههههههههه ونرجع نعيد من اول اتذكر فايام رمضان نطلع نلعب فالحاره ونشم ريحة السمبوسه من البيوت كان لها ريحه مميزه حتى البقدونس كنت استمتع بريحته لانه يذكرني برمضان هههههههه بعد مانشم هالريحه نروح لامي نقول هذول فطورهم حلووو وكانوو الجيران يرسلون معنا صحون ياسمبوسه او لقيمات او اي شي خفي يالله وش كثر كنا نفرح فيه ونتسابق بسرعه عشان نوديه للبيت الحين لو وحده ترسل شي لجارتها قالت لا شكرا مانبي شي وفعلا هالموقف صار لمرت اخو زوجي توها ساكنه وحبت تتعرف على الجيران صلحت كيك وارسلته مع ولدها كشي رمزي للتعارف ومع الاسف رجعوه الجيران اااااااااااااااااااه بس على ذيك الايام وعلى بيوت الطين وعلى البساطه وعلى لعبنا فوق الجدران الحين رغم كل شي متوفر الا ان الايام صارت ممله واتحداك تلقين حد مايقولك طفشان رغم ان كل حاجه عنده لكن سبحان الله عمر المتعه ماكانت فالفلوس او الاجهزه المتعه والراحه فالنفس والقلوب النظيفه
الجادل~ :
اشتقت لايام الهوى في جنابك،،،يوم الشموع بليل الاحباب ضون واشتقت اقول لهاتفك مرحبا بك،،،واشتقت لغيوم الصحاري تكون افتكرت هالبيتين:)اشتقت لايام الهوى في جنابك،،،يوم الشموع بليل الاحباب ضون واشتقت اقول لهاتفك مرحبا بك،،،واشتقت...
يسعد قلبك على هالبيتين حطيتها بروسنال عندي احب الكلام اللي يعبر عن احساسي
اليس
•
ياربي وش سويتي فيني..بكيت لحد مانفجر راسي..أنا اافتقد وبقوة لكل لحظة عشتها في الماضي..وماأنسى طفولتي ابدا واعشق الديرة الي عشت فيها وإذا رحت لها امشي بشوارعها وأنا ااتلهف لها خصوصا لما أمر من عند بيت جدتي الي ربينا فيه..الله مجدي وجدتي ويرحم معهم ايام حلوه راحت وماعاد لها رده :(
الصفحة الأخيرة