كيفهم العسولات؟!!
عساهم بخير
قراء ت هذي القصة واعجبتني قلت اعلمكم بها وحدة تحكي وتقول
وحدة مدرسة أعرفها كانت مسوية عملية وماخذة إجازة
عاد يوم تحسنت شوي جوا المدرسات الضحى يعملون
الواجب ويزورونها إلا وحدة ماقدرت تجي عشان عندها حصص
المهم زهبت العصير و القهوة والشاهي وجوا وتقهووا
إلا بعد شوي تدق مدرسة تقول افتحوا لي الباب تراي وصلت
وبدخل 5دقايق واطلع
تقول صاحبة العزيمة انا توهقت خلصت القهوة والشاهي
والعصير
وضفيناهم
تقول واقوم وادخل المطبخ والاقي ان كل وحدة شاربة من
العصير وباقي منه شوي واقوم واحطهم على بعض واعطيها اياه
وشربته كله بالعافية الظاهر كانت عطشانة
المهم هم يومين قعدت بالبيت وعقبهم خميس وجمعة
ويوم جاء يوم السبت واشوف صديقتي
والا حالها غير الحال وش زينها صايرة وموردة وتهبل لا اله الا الله
المهم ماعلقت ويوم جلسنا لحالنا والا تقول لي
من يوم طلعت من عندك ورجلي حاله تغير
تقول قلت لها عسى خير قالت شايلني شيل
ماوده المس شي وبس يحبحب فيني ويمشيني
وقال لي كلام عمره ماقاله لي قبل
ونفسيته تعدلت وصار يجلس بالبيت
وهو من قبلطول الوقت طالع يجي ينافخ وينام
تقول ومير اقول لها ترى يافلانة صار كذا وكذا وكذا يوم تجين بيتي
ودرينا ان مشاكلها مع زوجهاسبحان الله عين
لا إله إلا الله
المهم ياعزيزاتي انا نقلت لكم القصة عشان كل وحدة تقول تجارب تعرفها مع العين ومن الواقع وكمان قصص حصل بعدها الشفاء باذن الله عشان الاخوات يستفيدون لانها صارت ظاهرة حقيقة
لدى الاغلبية
اسال الله ان يكفكم في المؤذين من خلقة ولا يبلا احد بها
ولو كل وحدة تواضب على الاذكار وتحصن اطفالها لكانت المشكلة محدودة باذن الله
فعلا العين حق