انا اصبت جهازها بعين؟؟؟

السلام عليكم و رحمة الله و بركاته

احكيلكم قصتي اللي اتعبني و اردت منكم وجهت نظركم بكل صراحة.

القصة و ما فيها اني بحضر دروس تجويد. الاسبوع الفات و احنا و البنات نتونس شفت وحدة منهم عندها جهاز و بتقرا منها قران. قلت ليها ممكن اشوف, يا سلام منزلة فيها قران؟؟ و منها عرفت انه ممكن اقدر انزل فيها القران و كتب الاحاديث و اشياء كتيرة. فعجبتني الفكرة مرة. فقلت لها و انا اضحك معنا ما دام انتي عندك جهاز مثلها ممكن تبيعي لي. لان عجبني اني ممكن انزل فيها هذي الحاجات المفيدة جدا. الواحدة ممكن تقرا قران في اي مكان و يستمع اليها باصوات شيوخ عدة. و قلت لازم انا ان شاء الله اشتري واحد مثلها و خشت راسي الموضوع. سالتهم الجهاز بيكلف كم و ما شابه. و خلصنا الدرس و رحنا بيوتنا. بعد كم يوم وحدة تجي معانا قالت لي الجهاز اللي عجبك راحت. و صاحبتها قالت انه نصف ساعة بعد ما راحت للبيت ما لقتها. انا حسيت كان موية باردة انكبت علي. حسيت انهم متهمني اني اصبت الجهاز بعين و ضاعت منها. ضاااااااااااااقت نفسي و بكييت بيني و بين نفسي دعيت الله يرده لهم و يبرءني لاني انسانة قلبي ابيض و عمري ما اكره الخير لحد... و ما اخدت بالي في حاجة و انا اتكلم و اوريهم انه عجبني. تانيا مش جهازها بعينها هي العجبني ..عجبني فكرة الجهاز..ثالثا انا دااااائما كلمت ما شاء الله علي لساني في كل صغيرة و كبيرة و بعيييدة اني و انا اتكلم و ما قلتها اكتر من 5 مرات.ااااه احس بي حرررررقة و الله دموعي علي خدي و انا اكتب. حبيباتي قولوا لي رايكم بكل صراحة. ممكن انا اكون سحرتها؟ استغفر الله العلي العظيم