حاولي انك تقولين اللي يحفظلي هالدرس له
جائزة(هديه) او بعشيه في مطعم او بوديه الملاهي يلا ومره على مره خففي قولي اللي ينجح ان شاءالله اسويله حفله كبيره واحط صورته او اسمه على الكيكه ونعزم اللي يببغى اللي يذاكر بقوله قصه اي شي يحبوه عيالك اجذبيهم فيه



زي كذا والله يحنن قلبك عليهم وخذيهم بالحنيه يجون معليش يمكن غيره يمكن فاقدين حب وتعودوا وصار عندهم عادي
الله يعين والله كلنا عيالنا مجننيننا بس ندعيلهم بالهدايه والصلاح
وانتي ماجبتيهم من فراغ تعبتي فيهم اذغطي على نفسك استغفري كثير حاولي يكون جنبك كيسه حلاوه اشرطةافلام كرتون اي شي وقت المذاكره لزوم المغريات ولما تعصبي ولاتجي تضربي قومي غيري مكانك استغفري غيري جلستك اذا يمديك توضي وتعوذي من الشيطان ترى بالضرب بعض الاطفال يعاندو ويزيدو

كان الله بعوننا جميعا يارب والله يحنن قلبك عليهم وانتي اكليهم سمك شربيهم نعناع وذاكريلهم بعد صلاة الفجر هذي الاشياءكلها تساعد المخ والعقل وبعد الفجر يكون العقل توه شغال ومافي شي يشغله

ادعي لرب العالمين هو وحده اعلم بحالك

خلي احد يساعدك بتدريسهم مثل ابوهم او مدرسه

اعرف وحده نفس وضعك بالضبط جابت مدرسه خصوصيه تدرس عيالها ببيتها وارتاحت شوي

والله انا مثلك واحس بتانيب الضمير بس الحمدلله صار مستوى بنتي حلو وخففت الضرب وحتى هي اقتنعت اني ادور على مصلحتها

عيالك يمكن طبيعين بس انتي من كثر ما تهاوشين ماعاد يستوعبون لاتقارنين بينهم وبين النا س عباقره او لاء عادي اولى وثاني وثالث الاطفال ما يحبون يذاكرون الا بعد مايشيب راسك يعني لاتضغطينهم واذا ما حفظ وش بيصير بس اذا جاب درجه كويسه او استكرمثلا علشانه جاوب افرحي واستانسي ازرعي الثقه فيهم من جديد لو احد كل يوم يقولك انتي فاشله وش تتوقعين مقدارالالم النفسي كيف باطفال لاحول لهم ولا قوه حتى لو قدراتهم ضعيفه ليش تقضين عليها كلها ادعيلههههههههههههههههههههههههههههم دعاء الام مستجاب

الله يعينك يارب ويساعدك