انا اطلقت ومش قادره اعيش مرتاحه

انامصريه وجديده هنا فالمنتدي ونفسي افضفض مع حد واحكي نفسيتي تعبانه
انا 22سنه تزوجت من سنه شخص مصري افتكرته محترك وكويس ولم تزوجنا اكتشفت ع جواله انه كان ع علاقه ب بنات كتير قبل زواج وايام الخطوبه وانه كان بيروح اماكن مش محترمه ومتعدد العلاقات المحرمه
واكتشفت كده بعد زواج بمده قصيره وللاسف كملت معاه لاني بحبه وهو اعترف لي انه مش هيقدر يكمل معايه رغم اني محترمه لاكن هو مش حابب شكل جسمي ومش عاوز يكمل لان جسمي مش زي الاجانب او الافلام اللي هو بيتفرج عليها
انا الحمدلله حلوه وجسمي مظبوط طولي160وزني62 وهو قال لي انه يحب البنات النحيفه اكتر ونا كنت بعمل رجيم ورياضه عشان يرضا عني وكنت اصلي وادعي ربنا انه يحبني زي ماحبيتو ولاكن هو كان كل يوم معاملته ليا جافه واهمال وخيانه وضرب وشتيمه وهو بيعمل كده عشان جسمي بس مش عجبة
وحملت وخلفت بنت وبعد النفاس طلقني وقال انه قرفان مني بعد ما تخنت من الحمل وقال لي انه يقرف يلمسني وانه هيتزوج احسن مني
وخلاص احنا اطلقنا لاكن انا تعبانه لا قارده انسا كلامه الجارح ليا ولا التجربه حاسه اني موجوعه مش متخيله ان ممكن راجل بطلق مراته عشان كده
ع فكرا انا كنت اتزن واتعطر واتمكيج واعمل كل شئ له والله عملت كل حاجه لاكن للاسف هو بيحب الحرام وكان بيكلم بنات ع النت
انامش قادره انسا اي حاجه وفقدت الثقه بنفسي ورفضت الزواج وكل مايجيلي عريس برفض خايفه اتزوج


انا خسيت حمدلله ورجعت احسن من الاول لاكن انا فاقده الثقه بنفسي ومش قادره اعيش مرتاحه حاسه اني اتظلمت جدا


اناحكيت بختصار لاكن هو كان شخص سئ الطباع جدا وبخيل وفي عيوب كثيره ونا اتحملته ع امل يتغير 😢
بالاخر هو باعني انا والبيبي