انا اعاني من قله الكلام مع زوجي !!!!!

المشكلة هذي هي نفسها اللي أنا أعاني منها وطرحتها مرة على هذا المنتدى بس ما حصلت جواب شافي لكن في منتدى آحر في موقع آخر غير عالم حواء كانت بعض الردود التي أود أن أشاركك فيها وإنشاء الله بتوكلك على الله ترجعون تسولفون مثل أول أيامك يارب
وهذي هي الردود:




إسأليـه أسئلــة .. موب تحقيق هو بس يعني إخترعي أسئلـة .. ما أقصد وين سرت و وين ييت و وين كنت .. جي بيشرد و بطيحين فيني يعني شو اللي ما تعرفينه انتي عنه .. مثل شو عاد اسمحيلي .. فكري انتي عاد ( عن ذكريات . عن ربعه . عن شغله . عن دراسته. عن الأماكن اللي يحب يسيرها . عن الأشياء اللي يحبها. أعتقد هالسوالف ما تنعرف الا اذا سألتي) .. أظن جذه بتفتحين حوارات بسيطـة و ما يتملل منها و بعد تستفيدين .. كم عصفور ضربتي بجذه احسبيها انتي عقب ..

أو مثلا .. طبعا هو بيفتح سوالف ..
إسأليه أكثر عن التفاصيل ..
إسمعيه زين و هو يرمس ..
و حاولي تعلقين على كلامه.. لو كلمتين .. اضغطي على عمرج و فكري بجملة وحده مفيدة ..

إذا طلعت في بالي أفكـار غيرها برد و بخبرج أكيــد .. بس عمومـــــا بشوية براكتس عزيزتي بتتعودين مع الأيـام ..


ومني أنا أقولج :

تكلمي عن طفلكم الياي وكل شي يختص فيه اشتري كتب عن الأطفال وعن الحمل والولادة والاهتمام بالطفل ترى السوالف عن اليهال ما تخلص وناقشي زوجك عنها وشو اشتريتي للياهل وشو جهزتي له .




شي ثاني .. إنتي في البيت شو تسوين وشو تشغلين نفسج فيه .. تعرفين في وايد أشرطة دينية تقدرين تسمعيها وتحبين غيرج يسمعها أو إنتي تخبريهم المفيد منها عشان يستفيدون في دينهم ودنياهم.. خبري زوجك عنها وتكلمي عن مضمونها وياه.. أو حتى القصص اللي تقريها في المنتديات قصص غريبة وأخرى مثيرة للدهشة تقدرين تقصيين على زوجك هذي القصص ..
أو تجارب جديدة جربتيها من المنتدى أو وصفة طبختيها وحبيتي تطبخيها له لما يرجع..

إذا سرت السوق واشتريتي شي قولي له عجبني كذا واشتريته ورحنا هني وهناك وزرنا أقاربنا ويت لنا عمتنا وشفنا ولدها الصغير وقالت لنا كيف يهتمون فيه وكيف تراعيه..

تكلمي عن حياتك العادية بتفاصيل غير مملة وإنشا الله الله يوفقكم من فوق سبع سموات ويديم عليكم المحبة والسعادة.. ويبارك لكم في المنتظر طفلكم القادم إن شاء الله



:04: :04: :04: :04: :04:

اسأليه عن شغله عن دراسته وامدحيه فى هذا المجال وهذا المجال واسع ومهم

وشوفى شو هوايته وماذا يحب وناقشيه فى هذه الهوايه وليش حبها

وكلميه عن أخبار الأهل ومواقف طريفه حدثت أو نكت على الطائر

والله يسهل عليج



:24: :24:

السلام عليكم
غريب دخول الملل في بدايت حياتك الزوجيه أسمعي خلي بدايه دخوله البيت سلام وترحيب بعدين قيلولت الظهر أذا الوقت يسمح سولفي معه عن العمل حياتكم المستقبليه أطرحي أسأله بريأة ساذجه يستغرب عدم معرفتك لها
ليس القصد تقليل من قيمتك بل جذب الانتبها أبراز شطا رته في شرح المواضيع
الحياه طويله على شو العجله طفلش بيوصل بعدين هو من يدور حد يسولفله

مادمت انتي عند اهلك وهو في امريكا بعيد عنك فهدا يعني ان في اشياء كثيره ماتعرفينها ..
فاول مايتصل هلي به ورحبي فيه واسالي عن اخباره وعن دراسته وش مسوي بالبيت من دونك ..حاولي تخلينه
يتكلم عن نفسه .. يعني ادا سالتيه عن دراسته لاتقولي وش اخبار دراستك انشاءالله كل شي تمام ؟ لانك ادا
سألتيه بالطريقه هدي بيقولك الحمدلله كل شي تمام ويسكت...خلي السؤال مفتوح عشان يحكي اكثر عن دراسته ووش صار معه .
احكيله عن البيبي وايش قالتلك الدكتوره وكيف كان يومك ..
انتي قلتي ان في بداية زواجك كنتم تحكوا مع بعض على طول تدكري ايش كنتم تحكوا فيه ايش كانت مواضيعكم
ادا تدكرتي كيف كانت راح تقدرين تعرفين كيف ترجعين الوضع مثل اول ..
انشاءالله اكون قدرت افيدك بشي ..:26:

حبيبتي وردة البنفسج انا نفسسسسسسس مشكلتك ومالي الا 9 شهور متزوجه بالضبط نفس حالتك
تعبت والله تعبت من الحاله اللي انا فيها مع اني احاول اغير روتين البيت بشكل يومي
يعني تخيلي طووووووووووول اليوم بالجامعه واول مايجي احضر الاكل واتفنن فيه بعد ولما اجي اسولف يقول انا قاعد اكل
ارجع اسكت
ان سألته عن دراسته قال لاتساليني ابدااا عن دراستي لاني ماحب احد يسألني
ان سولفت معاه على المستقبل اييييييييي شي يقول انا ما احب اتكلم عن المستقبل
ان تكلمت معه في اي شي احيانا يسولف واحيانا يقول مادري انا الحين تعبان انا مصدع والا يقول انا جالس على الكمبيوتر والا يقول خليني اسمع التلفزيون واللللللللله تععععععععبت ماعاد اتحمل هالشي
لكن اقول الله يصبرك ويصبرني ...



وياليت احد يقول لنا حل :44: :44: