ساكتب قصة هنا :icon33:
لاني احبكم في الله واتمنى اللي حصل معاي مايتكرر مع اي وحده
والله يوفقني ويوفقكم لما يحبه ويرضاه
الله يسلمكم تخرجت من الثانويه قبل سنتين ولله الحمد
وتقديري ممتاز ولكني لم اكمل الجامعه
وهذا ليس قراري
ايش تسوي اللي حالتها زي حالتي ..؟ وانا متاكده انو مافي احد زيي
لمن جيت اسجل ماكان عندي تكاليف الدراسه وهنا وقفت عاجزه
فأنا من عائله تفضل البنين على البنات ومن سيدفع مصاريف لفتاة حتى تكمل
لان نهايتها في البيت ..
وحتى قراااايبي اللي عندهم ملايين الملايين ويشار اليهم بالبنان
ماساعدوني ..!!!
ادري انهم عقول محجره :(
المهم السنه الاولى وعدت واللي زاد الطين بله
المعلمات يوم يجو يسئلوني في اي جامعه قدمتي والا في جامعه تدرسي
اقولهم في جامعة البيت
يقولو حرام نسبتك حلوه وانتي كنتي وكنتي واخرتها في البيت ..؟
والا اللي نسبتها اقل مني ودخلت الجامعه عشان عندها واسطه ..؟
ادري ان سؤال المعلمات مافيه شيء بس مايدرون بالظروف :icon33:
ربي يذكرهم بالخير ويجعل مايقمن به في ميزان حسناتهم
قلت ماعليه من كلام ابوي .. حكمل يعني حكمل
وبعت الذهب اللي كان عندي وصار عندي تكاليف ترم واحد
قلت يله ادرس ترم وبعدين يصر خير وماحد يدري متى يومه
وبعدها جهزت كل شيء على اساس رايحه اسجل
ابوي هنا وقف وقالي مافي يعني مافي
وانا مو سواق اوديكي وارجعك
ياناس ايش هالاب الله ياخذه والله مافي احد زيه :icon33:
كل شوي يطلع لي عذر
قلت انا رح ادفع المواصلات
قال مافي
<< مصاريف الاكل والشرب كل واحد يدفع على نفسه>>
من العيديه
وربي قهرررررر
ايش ذنبي اكون في عايله يفضلو الذكور
والبنات ولا شيء عدم بس وظيفتهم الزواج وانتاج الذكور
ايش هالعيشه والله الموت اريح
حياه صعبه ماحد يقدر يعيشها :icon33:
وتبدا معانات السنه الثالثه من القعده في البيت واعداد الطعام ومساعدت امي والمذاكره لاخوتي
القاكم في موضوع اخر من معاناتي اليوميه
وتذكرو باني لم اكتب قصي مع الدراسه الا لثقتي بكم وبردودكم
واسئل المولى أن يجمعنا في جناته انه على كل شيء قدير